
Semedo ke şima vera tecrîdî de vatişê xo bivajê 8ê Adare de raşteyan de bibê  

2024-02-26 10:26:46


	&nbsp;

	&nbsp;

	&nbsp;

	Zelal Tunç

	&nbsp;

	WAN - Wan de ewro startê 8ê Adare yeno dayîş. Rojbîn Bore ya TJAye derheqê xebatê Wanî de malumat da û dîyar kerd ke kişta xeylê bernameyan do 3ê Adare de konvoy û 8ê Adare de zî mîtîng pê bêro. Rojbîne sewbîna da zanayîş ke vernîya înan de 8ê Adare est a û vat: “Seba ke ma vatişê xo bivajê, ma polîtîkayê tecrîdî birijnê, ma heme cinîyan dawetê têkoşînî kenê.”&nbsp;

	&nbsp;

	Têgêrayîşê Cinîyê Azade (TJA) 24ê Sibate de Êlih û Îzmîr de startê 8ê Adare da. Wan de zî xebatê derheqê 8ê Adarê yenê rayîr ra berdiş û TJAye amadekarîyê xo dewam kena.&nbsp;

	&nbsp;

	Rojbîn Bore derheqê xebatê TJAye yê Wanî de JINNEWSî rê qisey kerd.&nbsp;

	

	Start ewro yo&nbsp;

	&nbsp;

	Rojbîne da zanayîş ke 8ê Adare heme pêroyê dinya de hetê cinîyan ra bi xoverdayîşî yena pêşwazkerdiş û wina vat: “Kurdistan îşxalkerde yo. Coka ra wayîrvejîyayîşê cinîyanê kurdan manayin o. Kurdistan de wayîrvejîyayîşê bernameyan muhîm o û manayêk cîya gêno. Ma her serre bernameyê xo dîyar kenê û goreyê nê bernameyî têgêrenê. Na çarçewa de ma komîsyonan awan kenê û zîyaretê fermî pê anê. Ma do 26ê Sibate de startê bernameyê xo yê 8ê Adare bidê.”&nbsp;

	&nbsp;

	3yê Adare de konvoy 8ê Adare de mîtîng&nbsp;

	&nbsp;

	Rojbîne dîyar kerd ke çarçeweya xebat û bernameyan de do 3ê Adare de Konvoyê Xemrî awan bikerê û 4ê Adare de zî tepişteyê cinîye rê qertan bişirawê û wina vat: “Ma do bi hawayêkê hemwext bernameyan pê bîyarê. Ma do bajar de tewrê bername û konserê cinîyan yê ke binê banê kultur û hunerî de yenê kerdiş bibê. 8ê Adare de ma do Parka Aştîye ya Musa Anterî de mîtîngê cinîyan pê bîyarê.”&nbsp;

	&nbsp;

	Do waştişê tepişteyan bêrê ziwan&nbsp;

	&nbsp;

	Rojbîne dîyar kerd ke her serre goreyê rojeva ke vejîyena aver bernameyê 8ê Adare amade kenê û wina dewam kerd: “Ma şinê 8ê Adare û seke şima zanê vernîya ma de weçînayîşê 31ê Adare est o. No 10 serrî yo hema hema heme şaredarîyê bajarî hetê qeyûman ra yenê xespkerdiş. 8ê Adare seba ma muhîm a. Heto bîn ra tecrîdê serê Abdullah Ocalanî her ke şino giran beno û tepişte bi amancê şikitişê tecrîdî û çareserîya problemê kurdî grevê de yê. Nobeda Edaletî ya merdime tepişteyan zî dewam kena. Ma do waştişê tepişteyan bi vengêk berz bîyarê ziwan.”

	&nbsp;

	‘Semedê şikitişê tecrîdî yewine rayîr têkoşîn o’&nbsp;

	&nbsp;

	Rojbîne ard ziwan ke do raşteyê 8ê Adare de mesaj bidê û sloganê ‘jin jiyan azadî’ ke bîyo nesneyê têkoşînê cinîyan berz bikerê û wina dewam kerd: “Wexto ke cinî rêxistinkerde bibê zaf xurt ê. Cinî seba weçînayîşê herêmî xo amade kenê û wazenê tarîxê xo dîyar bikerê. Vernîya ma de weçînayîşê herêmî est o. Cinî wazenê raşte, taxe û bajarê xo rayîr ra berê. Seba şikitişê tecrîdî zî yewine rayîr têkoşînê rêxistinkerde yo.”&nbsp;

	&nbsp;

	Dawetê 8ê Adare&nbsp;

	&nbsp;

	Rojbîne qiseykerdişê xo yê peyênan de heme cinîyan dawetê bernameyê 8ê Adare kerd û wina peynî kerd: “Vera xespê serdestîya camêrdî, semedo ke ma weçînayîşê herêmî de bibê wayîrê vatişî, polîtîkayê tecrîdî pîya bişikinê, venga heme cinîyan kena ke têkoşîn de ca bigîrê û vengê xo berz bikerê.”

	&nbsp;