Wan de Nobeda Edaleti: Do xoverdayîş ser bikewo  

2024-02-19 15:31:22


	 

	 

	WAN - Nobeda Edaletî ya ke Wan de dîyaye destpêkerdiş roja 77ine de dewam kena. Çalakîye de ame dîyarkerdiş ke do xoverdayîş ser bikewo.

	 

	Wan de çarçeweya kampanyaya "Abdullah Ocalanî rê azadî problemê kurdî rê çareserîya sîyasî" bi serkêşîya Komeleya Paştîdayîşê bi Keyeyê Tepişteyan Reyde (TUHAY -DER) hetê keyeyê tepişteyan ra Nobeda Edaletî dîya destpêkerdiş. Nobeda ke awanîya Partîya Herêmê Demokratîke (DBP) de dîya destpêkerdiş roja 77ine de dewam kena û xeylê kesî yenê zîyaretê nobede. 

	 

	'Do xoverdayîş ser bikewo' 

	 

	Çalakîye de Fatma Aslane qisey kerd. Fatmaye dadîyê çalakîkeran silam kerd û qiseykerdişê xo de wina vat: “Zîndanan de tepişte grevê vêşanîye de yê û ma zî tîya de bi Nobeda Edaletî paştîdayîş danê înan. Ma wazenê ke waştişê tepişteyan bi lezkî bêrê qebulkerdiş. Do teber û zerre de xoverdayîş ser bikewo." 

	 

	Çalakîya nobede bi sloganê "Biciwîyo Xoverdayîşê Zîndanan", "Bê Serek Cuye Nêbena " û "Biciwîyo Serek Apo" dewam kerd.