
'Sebebê qirkerdişê ekolojîye qeyûm o'  

2024-02-17 10:20:28


	&nbsp;

	&nbsp;

	&nbsp;

	Zelal Tunç

	&nbsp;

	WAN - Hemsereka ÇEVDERî Arzu Dînçere vera tehlukeyê çinîbîyayîşê Gola Wanî ke texrîbatê projeyê qeyûm û dezgehê fermî vera ameya na merhela, ercnaye û vat: “Sebebê qirkerdişê ekolojîk yê pîlî polîtîkayê qeyûmî yo. Bajarê ekolojik mumkun o.”&nbsp;

	&nbsp;

	Germîya globalî, polîtîkayê qeyûmî zêde bî. Gola Wanî her çar hetî ra pêşkêşê dezgehê fermîyan ameya kerdiş û heto bîn de gola Wanî ocaxê maden û kerrayan vera ameya tehlukeyê çinîbîyayîşî. Hemsereka Komeleya Averberdiş û Cigêrayîşê Pawitişê Berhemê Tarîxî yê Wanî (ÇEVDER) Arzu Dînçere derheqê babete de ajansê ma rê qisey kerd.&nbsp;

	&nbsp;

	‘Nêbîyayîşê vewre felaket o’&nbsp;

	&nbsp;

	Arzuye da zanayîş ke dinya bi tehlukeyê krîzê îklîm û germîya globali reyde rî bi rî ya û wina vat: “Wan de zimistan vewre zêde varayêne. La nika ma aşma sibate de yê û heta nika vewra ke ma pawitêne nêvara. Çinîbîyayîşê vewre zî çimeyê awe ser de bi hawayêkê xirab tesîr virazeno. Çinîbîyayîşê vewre felaket o. Gola Wanî zî bi metreyan ancîyaya.”&nbsp;

	&nbsp;

	Gole bi tehlukeyê çinîbîyayîşî reyde rî bi rî ya&nbsp;

	&nbsp;

	Arzuye ard ziwan ke Gola Wanî vera germîya global bi deste merdiman zî yena qirkerdiş û vat: “Eşteyê gole 56 hezar metrekup eşteyê kanalîzasyonê û eşteyê sewbîna yê. Na rewşe roj bi roje zêde bena. 19 çimeyê awe ke gole weye kenê, yenê lêşinkerdiş. Coka ra zî gole lêşin a û germîya globalî vera çinî bena. Dewa În ya Westanî ra heta dewa Karatavukî ya Erdîşî raşteyê 430 metrekare yê qeraxê gole hetê dezgeh û awanîyê fermîyan ra ameyo dagirkerdiş. No zî tesîrêk xirab serê cuya gandaran de keno. Ocaxê kerra, ocaxê madenî, projeyê HESî zî tesîrêk xirab serê gole de kenê. HES lêşinîye de rolêk aktîf kay keno.”&nbsp;

	&nbsp;

	‘Ganî xesasîyetê bajarî vere çiman de bêro girewtiş’&nbsp;

	&nbsp;

	Arzuye qiseykerdişê xo wina dewam kerd: “Girawê muhîm yê gole est ê. Gola ke ganî turîzmî rê bêra akerdiş her ke şina tehlukeyê çinîbîyayîşî reyde yena rî bi rî. Weçînayîşê 31ê Adare muhîm o. Ganî xîretkerdişê ewilî yê şaredarîyan ekolojî bo. Ganî vera ekolojîye de xesas bibê. Ganî rayîrberê herême xesasîyetê bajarî verê çiman de bigîrê. Sebebê qirkerdişê ekolojîye yê pîlî polîtîkayê qeyûmî yo. Bajarê ekolojîkî mumkun ê.”

	&nbsp;