
Aşma çeleyî de 27 cinî ameyî qetilkerdiş  

2024-02-09 10:02:37


	&nbsp;

	&nbsp;

	Yeşîm Oruç

	&nbsp;

	MERKEZÊ XEBERAN - Goreyê çeteleye şîdetî yê aşma Çeleyî 27 cinî û 4 tutî ameyî qetilkerdiş, 17 cinî û 3 tutî zî bi şikin dinyaya xo bedelnayî.&nbsp;

	&nbsp;

	Kurdistan û Tirkîya de dayeyê derheqê şîdetê hemverê cinîyan û qetilkerdişê cinîyan raştî nîşan nêdanê, hûmare hîna zêde ya. Qetilkerdişê cinîyan û şîdetê hemverê cinîyan bi polîtîka û vatişê îqtîdarî reyde girêdaye yo. Polîtîkayê bêcezaverdayîşî zî qetilkerdiş û şîdetî rê rayîr akeno.&nbsp;

	&nbsp;

	Goreyê dayeyê ajansê ma aşma Çeleyî de 27 cinî û 4 tutî ameyî qetilkerdiş, 17 cinî û 3 tutî zî bi hawayêkê şikin dinyaya xo bedelnayî.&nbsp;

	&nbsp;

	Şikdarî ê tewr nizdî yê&nbsp;

	&nbsp;

	7 cinî hetê camêrdê ke înan reyde zewecnayebî, 2 cinî hetê camêrdê ke fek înan ra vera dabî, 2 cinî hetê camêrdê ke înan reyde merheleya fekverdayîşî de bî, cinîyêke hetê pîyê xo ra, 2 cinî hetê lajê xo ra, cinîyêke hetê kesê ke aye reyde ciwîyayêne, 4 cinî hetê merdimanê xo ra, yew hetê kesê ke nasnameyê ci dîyar nêbî ra, 3 cinî hetê embazanê xo yê camêrdî ra, cinîyêke hetê zamayê xo ra û cinîyêke zî hetê cîranê xo ra ameye qetilkerdiş.&nbsp;

	&nbsp;

	Manîsa de 4, Stenbol de 2, Sakarya de 2, Îzmir de 2, Bursa de 2, Antalya de 2, Kocaelî de 2, Mêrsîn de 1, Aydin de 1, Gîresun de 1, Eskîşehîr de 1, Mêrdîn de 1, Wan de 1, Amed de 1, Edene de 1, Anqara de 1, Dîlok de 1, Zonguldak de 1 cinîyêke ameye qetilkerdiş.

	&nbsp;