
‘Rayîr ra şîyayîşê ma semedê azadîya fîzîkî ya Birêz Ocalanî yo’

2024-02-06 14:33:55


	&nbsp;

	&nbsp;

	ERZIROM - Baskê Qersî yê 'Rayîr ra şîyayîşê Azadîye yê Pîlî' resaye qezaya Qereçobanî ya Erziromî. Raywanan qurbanê erdlerzî yad kerdî. Rayraşîyayîş de mesajê “Heta azadîya Ocalanî rayraşîyayîşê ma do dewam bikero” ame dayene.

	&nbsp;

	Baska Qersî ya 'Rayîr ra şîyayîşê Azadîye yê Pîlî' roja 6ine de resaye qezaya Qereçobanî ya Erziromî. Şarî bi coşî raywanî pêşwazî kerdî. Hemserekê MEBYA-DERî yê Mêrdînî Salîh Kudayî qurbanê erdlerzê 6ê Sibate yad kerd û dest bi qiseykerdişî kerd.

	&nbsp;

	‘Îqtîdar binê enkazî de mend’

	&nbsp;

	Salîhî ard vîr ke ewro serrgêra erdlerzî ya û vat 50 hezar zêdeyêr însanî dinyaya xo bedelnayî û wina vat: ''Wextê erdlerzî de îqtîdarî îmkanê xo nêşuxilnayî. Binayî rîyê rantê îqtîdarî ra rijîyayî. Sebebê pêro nê şer û krîzan polîtîkayê îqtîdarî yê. Birêz Ocalanî vatbi ke eke firsendê ci est bo o eşkeno hewteyêk de na meseleya kurdan çareser bikera. Seba ke o azad bibo ma nê rayraşîyayîşî kenê.”&nbsp;

	&nbsp;

	Sewbîna Salihî vat: "Rayîr ra şîyayîşê ma semedê azadîya fîzîkî ya Birêz Ocalanî yo. Heta Birêz Ocalan bireso azadîya xo, do no rayîr ra şîyayîş dewam bikero.”

	&nbsp;

	Semedê pêşwazîkerdişê germî yê rayîr ra şîyayîşî Salihî sipas kerd.&nbsp;

	&nbsp;

	Raywanê Azadîye dimayê eşkerayîye, derbazê bînaya DEM Partî bîyî.

	&nbsp;

	&nbsp;