Îmraliyî rê qertî ameyî şirawitiş 

2024-02-02 15:02:06


	 

	 

	MERKEZÊ XEBERAN - Kantonê Vaûd ê Swîsreyî de Abdullah Ocalan rê bi desan qertî ameyî şirawitiş. Verfeka Meclîsê Cinîyan ê Lajînî Aysele Argin venga her kesî kerd ke bi xurtî tewrê kampanyaye bibê.

	 

	Çarçewaya hemleyê 'Azadî Abdullah Ocalanî rê, çareserî prosesê kurdî rê' kampanyaya '100 hezar qertpostalî' ê semedê Rayberê PKKyî Abdullah Ocalanî Swîsreyî de dewam kena.

	 

	Bajarê Payerne yê kantonê Vaûdî de, Meclîsê Cinîyan ê Lajînî yê Lozanî û tevgerê ciwanê kurdî bi desan qertî şirawitî.

	 

	Verfeka Meclîsê Cinîyan ê Lajînî Aysele Argin, verê postaxaneyî de eşkerayîyêke da û ard ziwan ke ê çarçewaya hemleyê 'Azadî Abdullah Ocalanî rê' yewbînan kom bîyê û vat, "Heta ke tecrîd peynî bibo, çalakîyê ma do dewam bikerê. Muhîm o ke her kes bi xurtî tewrê na kampanyaye bibê."

	 

	Aysele Argin dîyar kerd ke do Swîsreyî de bi xurtî tewrê rayîr ra şîyayîşê pîlî yê 17ê Sibate yê bajarê Kolnî yê Elmanya bibê û venga her kesî kerd ke dorê Rayberê PKKyî Abdullah Ocalanî de kom bibê.

	 

	Dimayê eşkerayîye, girseyê şarî bi slogan û çepikan qertî şirawitî.