‘Kurdî biwane, kurdî binuse, kurdî bifikrîye’ 

2024-01-31 10:14:35


	 

	 

	Elfazî Toral

	 

	STENBOL - Hunermenda NÇMyî Dîlan Suyu da zanayîş ke semedê vernîya asîmîlaysonî padê dibistana muzîkî ya Egîdê Cimo awan kerdê û vat: “Ma bi vengê radyoyê Erîvanî ra berz bîyo, bibê cewabê sîstemî. Hedefê ma o yo ke ma dibistana muzîsyenê cinî biresnê. Sloganê ma ‘Kurdî biwane, kurdî binuse, kurdî bifikrîye’. Ma pêro ciwan û cinîyan dawetê dibistana xo kenê.”

	 

	28ê Teşrîna Peyêne 2023ine de Merkezê Kulturê Kozyatagi ya Kadikoyî de bi amancê ganeverdişê mîrasê Egîdê Cimo ( Mîrê Bilûrê) dibistana muzîkî ya Egîdê Cimo ameye awankerdiş. Dibistane de serê kurdî, kultur û hunerî de derse yena dayîş. Pêwa nê dibistana perwerda esntrumanan zî yena dayîş. 

	 

	Hunermenda Merkezê Kulturî yê Mezopotamya (NÇM) Dîlsan Suyu, derheqê xebatê dibistane de qisey kerd.

	 

	Dîlane dîyar kerd ke kulturê kurdî xeylêk bi erc û zaf xurt o û da zanayîş ke wayîrê komelêk ke eşkeno xo bipawo û xo aver bero yo. Dîlane wina dewam kerd: “Semedê hewcedarî ma şî sazbîyayîşêk wina. Pêwa nê zî semedê sazbîyayîş zêde aver nêşîyo, semedê atmosferê sîyasî û komelî ma ewro bi prosesêk asîmîlasyonî reyde rî bi rî yê.”

	 

	‘Hedefê ma vernîya asîmîlasyonî padayîş o’

	 

	Dîlane wina vat: “Hedefê ma o yo ke ma vernîya polîtîkayê asîmîlasyonî padê. Ma waşt ma hemverê polîtîkayê çinkerdişê kultur û asîmîlasyonî xebatêke winasî bikerê. Bi taybetî bi polîtîkayê şerê taybetî, tîryakî, fuhuş, ajanî, keyeyî ra dûrvistiş ciwanan rê yeno ferzkerdiş. Ma waşt ma bi dibistana xo bi ziwanê dadî perwerde bidê ciwanan û bi cuye bidê qezenckerdiş. No semedî ra ma dibistanêke winasî akerd.”

	 

	Muzîkjenê cinî yenê resnayîş

	 

	Dîlane dewam de wina vat: “Ma prosesêk winasî de gamêke wina eşt. Prosesêk zehmet bî. La ma bi qerar bî. Ma kedêke pîl û hewldayîşêk pîl da. Netîce de ma dibistane akerd. Serê cinîyan de zextî xeylêk pîl ê. Ma bi taybetî cinî û ciwanan pawenê. Ma dibistane de muzîkjenê cinîyan resnenê. Ma nameyê  dibistane nameyê Egîdê Cimo da ci. Egîdê Cimo semedê ma kurdan xeylêk muhîm o. Kesêk ke cuya xo dayo serê muzîkê kurdî. Ma waşt ma mîrasê Egîdê Cimo ameyox rê neql bikerê. Coka ma nameyê  dibistane kerd Egîdê Cimo.”

	 

	Dîlane tewr peyîn wina vat: “Ma dibitsane de bi ziwanê dadî perwerde danê. Ma hemverê polîtîkayê asîmîlasyon û çinhesibnayîşî de wina cewab danê. Ma do bi vengê ke radyoyê Erîvanî ra berz bîyo, cewab bidê sîstemî. Hedefê ma o yo ke ma dibistane de muzîsyenê cinîyan biresnê. Sloganê ma ‘Kurdî biwane, kurdî binuse, kurdî bifikirî’ yo. Ma pêro ciwan û cinîyan pawenê dibistana xo.”