
Ablûqayê Şamî vera derman nêşikeno bêro peydakerdiş 

2024-01-26 14:20:46


	&nbsp;

	&nbsp;

	MERKEZÊ XEBERAN - Têmîyanîya peydakerdişê dermanan taxa Şêxmeqsûdî ya Helebî ke hetê hukmatê Şamî ra girîyayo binê abluqa, dewam kena.&nbsp;

	&nbsp;

	6 serrî yo hukmatê Şamî taxa Şêxmeqsûdî ya Helebî girewto binê abluqa. Çend serrê peyênan de no abluqa resayo merheleyêke tewr cor. Hukmatê Şamî nêverdeno ke gida, kelepulê adirî, werd û derman derbazê taxe bibî.&nbsp;

	&nbsp;

	Goreyê selahîyetdarê Yewîya Dermanroşan ê taxa Şêxmeqsûd û Eşrefîye ke tehdîdê dezgehê asayîşî yê hukmatê Şamî vera nameyê xo eşkera nêkerdî dîyar kerdî ke dezgehê asayîşî nêverdenê ke derman bikewo taxe û eke biverdê zî bi xarac, pereyê miqtarê gird verdenê.&nbsp;

	&nbsp;

	Wirdî taxan de 61 dermanxane estê ke derman 200 hezar kesî rê temîn kenê. Goreyê Yewîya Dermanroşan lazimîya wirdî taxan aşmane dormeyê 3 mîlyar lîreyê Sûrîyeye seba dermanan est o.&nbsp;

	&nbsp;

	Eynî çimeyê xebere dîyar kerdî ke bendê kontrolî yê hukmatê Şamî tena destur danê ke miqtarêk zaf kêm ê dermanan derbazê wirdî taxan, la bac bi qaseyê se ra 10ê qîmetê fatureya dermanan birnenê.&nbsp;

	&nbsp;

	Hema hema eşkeno bêro vatiş ke pêroyê dermanxaneyê wirdî taxan de, dermanê ferz seba şekir (diyabet), tansiyon û kanserî çin o. Eke bibê zî heta ke derbazê wirdî taxan benê, bacêk zaf gird yeno birnayîş.&nbsp;

	&nbsp;

	Vayeya dermanê nêweşîya kanserî mîlyonêk ra heta 20 mîlyonî yo. No vayê goreyê hêzê herînayîşî nîyo û zafaneyê hemwelatijanê wirdî taxan kantonê Efrînî ra koçber bîyî û taxê dormeyê Helebî ra ameyî tîya.

	&nbsp;