
CFWIJ: Hemverê rojnamegeranê cinîyan de 76 binpaykerdişî ameyî kerdiş 

2024-01-19 14:44:32


	&nbsp;

	&nbsp;

	ANQARA - Goreyê raporê aşma kanûna 2023ine ê CFWIJî, hemverê rojnamegeranê cinîyan 76 binpaykerdişî ameyî kerdiş û 6 rojnamegerê cinî zî ameyî qetilkerdiç.&nbsp;

	&nbsp;

	Koolîsyonê Rojnamegerîye de Cinî (The Coalition For Women In Journalism-CFWIJ) raporê xo yê aşma kanûna 2023ine eşkera kerd. Eşkerayîye de ame vatiş ke rojnamegerê cinî yê filistînî serdemêk zaf giran ciwîyayî û wina dewam kerd: “Aşma kanûne semedê rojnamegeranê cinîyan ê filistînîjî bî, aşma tewr xidar.”&nbsp;

	&nbsp;

	Tewr tay 14 rojnamegeran rê tehdîd ame kerdiş

	&nbsp;

	Dewamê raporî de ame dîyarkerdiş ke aşma kanûne de hemverê rojnamegeranê cinîyan de 76 binpaykerdişî virazîyayî û nê binpaykerdişê heqan zî sey teda, şîdet, cînayet, tehdîd, tedayê qanûnî, hêrişê fîzîkî û xoresnayîşê xeberan ame rêzkerdiş. Ame dîyarkerdiş ke Fransa, Kolombiya, Kanada, Paraguay, Karadag, Pakistan û Sirbistanî de tewr tay 14 rojnamegeran rê tehdîd ame kerdiş, 7 rojnamegerî kar ra eştî û 6 rojnamegerî zî ameyî qetilkerdiş.&nbsp;

	&nbsp;

	Venezuela rêza ewilî de ya&nbsp;

	&nbsp;

	Dewam de ame dîyarkerdiş ke Venezuelayî de qerarê astengkerdişê xoresnayîşê xeberan 13 rojnamegeran rê ameyo dayîş û rêza ewilî de yo. Heto bîn ra bi qetilkerdişê 6 rojnamegeran Gazzeyî de Îsraîl rêza diyîne de, Avustralya û Karadag zî rêza hêrîne de ca girew. Goreyê raporî; Tirkiye, Mogolistan û Pakistan de 4 rojnamegerî ameyî destbendkerdiş. Belarus, Mogolistan û Rûsya de rojnamegerî ameyî tepiştiş û Îran û Kazaxistan de zî ceza 2 rojnamegeran rê ameye birnayîş.

	&nbsp;