
Dozgerî qerarê dewamê tepiştişî Dîcle Muftuoglu da 

2024-01-18 15:55:07


	&nbsp;

	&nbsp;

	AMED - Dozgerî, waştişê dewamê tepiştişê rojnamegere Dîcle Muftuoglû ya ke tepişte ya, da.

	&nbsp;

	Roniştişê diyîn ê Hemsereka Komeleya Rojnamegeran ê Dîcle Firatî (DFG) û Edîtora Ajansê Mezopotamyaye (MA) Dîcle Muftuoglû ke çarçewaya cipersayîşê Serdozgerîya Komare ya Anqarayî de bi edîtorê MAyî Sedat Yilmaz reyde ameye destbendkerdiş û dima ra ameye tepiştiş 5ine Dadgeha Cezaya Giran ya Amedî de ame kerdiş. Dîcleye bi îdiayê “Endamîya rêxistinê” û “Awankerdişî rêxistine û îdarekerdişê ci” nêzdîyê 9 aşmî yo Zîndanê Cinîyan ê Sîncanî ke la tepişte ya bi SEGBÎSî beşdarê roniştişî bî. Avûkatanê Dîcleye roniştiş de amade bî.&nbsp;

	&nbsp;

	Xêrcê temsîlkarê DFGyî, DÎSK Basin Îş û Komeleya Xebatê Huqûq û Medyayî (MLSA) xeylêk rojnamegerî û temsîlkarê partîyê sîyasî û temsîlkarê sazgehê sivîlî roniştiş taqîb kerdî.

	&nbsp;

	‘Serê rojnamegeranê kurdan de teda est a’

	&nbsp;

	Dîcle pawitişê xo de wina vat: "3yê Gulane ra nata ez bî 9 aşmî yo tepişte ya. Na dewa de faalîyetê min ê rojnamegerî yenê muhakemekerdiş. Na tablo azadîya çapemenî asteng kena. Na rewşe hem rojnamegeran û hem zî şarî mexdûr kena. Semedo ke ma raştîyan nusenê ma yenê muhakemekerdiş. Xususî zî serê rojnamegeranê kurdan de teda est a. Ez zî nînan ra yew a.”

	&nbsp;

	Dozgero ke dimayê beyanê şahid Kerem Gokalp mutalayê xo aşkera kerd, waştişê dewamê tepiştişê Dîcle da.

	&nbsp;