
Dewaya derheqê remnayîşê tuta êzidî dest pêkerd  

2024-01-18 15:19:46


	&nbsp;

	&nbsp;

	ANQARA - Dewaya derheqê remnayîşê tuta êzidî de temsîlkarê rêxistinê huqûqî û Parlamentera DEM Partî Adalet Kaya eywan ra ameyî vetiş.&nbsp;

	&nbsp;

	Endamê DAIŞî Sabbah Alî Oruç ke semedê remnayîşê tuta êzidî bi sûcê “Tute bi rayîrê qaçaxî ardê Tirkîya û azadîya xo bêpar verdaya” ameyîne muhakemekerdiş. Diyîn roniştişê dewa 15ine Dadgeha Cezayê Giran ya Anqarayî de ame kerdiş. Pêwa Partîya Têduştî û Demokrasîyî yê Şaran (DEM Partî), rêxistinê heqê merdiman û huqûqî zî xeylêk kesî semedê taqîbkerdişî tewrê roniştişî bîyî. Kerdox Sabah zî roniştiş de amade bi.&nbsp;

	&nbsp;

	Temsîlkarê rêxistinê huqûqî waştî beşdarê roniştişî bibê la bi sebebê ke roniştiş padaye yo, no waştiş ame redkerdiş û hetê polîsan ra eywane ra ameyî vetiş. Heyetê dadgehe hemverê avûkatan de vatişê “Nasnameyê xo ronê, ez o gerreyê şima bikerî” şuxilna. Parlamentera DEM Partî Adalet Kaya zî eywana dadgehe ra ameye vetiş.&nbsp;

	&nbsp;

	Waştişê beşdarbîyayîşî yê avûkatan nêame girewtiş. Avûkatan zî derheqê babete de zabitname girewt û vatî ke do baro rê neql bikerê. Roniştiş, bi hawayêkê padeye ame kerdiş.

	&nbsp;