
Gulser Ozbaye dimayê 31 serrî tahlîye bî: Xoverdayîş dewam keno  

2024-01-18 10:20:22


	&nbsp;

	&nbsp;

	Zelal Tunç

	&nbsp;

	WAN - Gulser Ozbaya ke 31 serrî û 6 aşmî prosesê tepiştişê xo de surgunê xeylê zîndanan ameye kerdiş, wina vat: “Bi desan kesî ameyî tepiştiş, bi desan serbest ameyî verdayîş. Xeylê kesan dinyaya xo bedelnayî. La hema zî xoverdayîş dewam keno. Mîyanê çar dêsan de rihê ma cuye rona raşte.”&nbsp;

	&nbsp;

	Gulser Ozbaye 31 serrî û 6 aşmî tepişte mende, zîndanê Cinîyan ê Şakranî yê Îzmîrî de 11ê Çeleyî de ameye tehlîyekerdiş. Gulsere hîsanê xo ajansê ma rê vat.&nbsp;

	&nbsp;

	Gulsere 12ê Temmuza 1992yî de Agirî de yena tepiştiş û bi îdîayê yewîya dewlete xira kerda cezaya muebetî ci rê yena birnayîş. Gulsere zîndanê sey Agirî, Nevşehîr, Erzirom, Mîdyad û Bayburtî de bi dor manena. Tewr peynî 5 serrî zîndanê Cinîyan ê Şakranî de mende. Prosesê qedîyayîşê cezaye de hîri reyan înfazê aye yeno veşênayîş.&nbsp;

	&nbsp;

	Gulsere dimayê ke serbest ameye verdayîş, şî Bazid. Gulsere wina vat: “Ez vejîyaya la mi wayê xo, embazê xo uca de verda. Wexto ke ez vejîyaya, wexto ke newe ameybî tepiştiş ame verê çimanê mi. Mi senî verda, ez do wina dewam bikera. Tabî ma tepişte bî la ma têkilîya xo bi teberi reyde nêbirna. Teber her tim rojeva ma de, zerrîya ma de bî.”&nbsp;

	&nbsp;

	Zerrîya azadîye….&nbsp;

	&nbsp;

	Gulsere da zanayîş ke tay hîsî est ê ke nêeşikenê bêrê vatişî û dest bi qiseykerdişê xo kerd: “Dinyayêka zîndanan est a. Dinyayêka teberî est a. Têkoşînê wirdî dinyayan zî yewbînan ra nêbirîya. Bi temamî yeno ciwîyayîş. Hîkayeyêka merdiman çinî bo, teber zerre ferq nêkeno. Hîkayeya mi zî est a. Nêbedelîya. Bi desan hîkaye ameyî ciwîyayîş. Ez teber de zî hîkayaye xo dewam kena. Heqîqetêk têkoşînê ma est o. Zindan cayêk ke hewt mifteyê ci est o. No mifte qey uca de yeno tepiştiş vano. Mifte, ber, ranze goreyê xozaya merdiman nîyê. La xoverdayîşê ma mîyanê nê çar dêsan de ame ciwîyayîş.”

	&nbsp;

	‘Mi zî embazanê xo zerrîya xo de ard’&nbsp;

	&nbsp;

	Gulsere ard ziwan ke têkoşînê înan bê maben o û nêbedelîyayo û wina dewam kerd: “Mi serranê 80î de çi îfade kerd, mi serranê 90 û 2000î de zî eynî çîyî hîs kerd. Bi eynî rihî ma ciwîyayî. 32 serrî demêk kilm nîyo. Her embaza ke ameye tehlîyekerdiş vatêne ‘Ez şina, şima zerrîya xo de bena’. No hîsêk normal nîyo. No xeylê muhîm o. Mi zî embazanê xo xo reyde zerrîya xo de ard. Zîndanê ke aîdê xozaye nîyê, ganî cografyaye ra bêrê pakkerdiş. Têkoşînê ma têkoşînê azadî û demokrasî yo.”&nbsp;

	&nbsp;

	Zîndanan de cuyêke komunal û kolektîf est a&nbsp;

	&nbsp;

	Gulsere dîyar kerd ke zîndanan de cuyêke komunal est a û her kes girêdayeyê yewbînan o û kar bi hawayêkê kolektif yeno rayîr ra berdiş. Gulsere da zanayîş ke embazê aye yê nêweş û emre înan serê 50î de yo estbî û vat ke lazimîyê înan zî pîya kenê.&nbsp;

	&nbsp;

	Rewşa Fatma Ozbaye giran a&nbsp;

	&nbsp;

	Gulsere tewr peynî bale ant serê rewşa waya xo Fatma Ozbaye ya nêweşa giran û wina peynî kerd: “Yew tepişteya nêweş waya mi Fatma Ozbaye ya. Zîndan de çîyo ke ma zaf dejneno rewşa embazê ma yê nêweş o. Vera problemê weşîye de wexto ke ti wazena nêşikena şêra nêweşxane. Waya mi nêweşa kanserî ya. Ez hîsin a. Xeylê problemê aye est ê. Çîyo tewr giran seba ma mîyanê çar dêsan de nêweşîyê embazan o. Ma şikdar ê. Problemê weşîya waya mi zaf cidî yo. Waya mi yena dermankerdiş. Proseso ke ma tede bî de 8 dermanê cîya şuxilnayêne. La ganî bi hawayêkê raşt bêra dermankerdiş.”

	&nbsp;

	&nbsp;