
Çalakîya ‘Abdullah Ocalanî rê azadî’ roja 52ine de ya 

2024-01-17 14:34:36


	&nbsp;

	&nbsp;

	MERKEZÊ XEBERAN - Çalakîya grevê vêşanîye ke tepişteyanê sîyasî bi waştişê “Abdullah Ocalanî rê azadî, problemê kurd rê çareserîya sîyasî” dabî destpêkerdiş roja 52ine de dewam kena.&nbsp;

	&nbsp;

	9ê Teşrîna Verêne 1998ine de hemverê Rayberê PKKyî Abdullah Ocalanî de komploya mîyanneteweyî dest pêkerd û 15ê Sibata 1999ine de teslîmê Tirkîya ame kerdiş. Rayberê PKKyî a roje ra Îmraliyî de binê tecrîdê giran de yeno tepiştiş. 3 serrî corî yo xebere ci ra nîna girewtiş. Hemverê tecrîdî û semedê azadîya Abdullah Ocalanî 10ê Teşrîna Verêne de 74 merkezê dinya de bi sloganê "Abdullah Ocalanî rê azadî, problemê kurdî rê çareserîyê sîyasî" hemleyêk ame destpêkerdiş.&nbsp;

	&nbsp;

	Tepişteyê sîyasî yê zîndananê Bakurê Kurdistan û Tirkîya seba azadîya fîzîkî ya Rayberê PKKyî Abdullah Ocalanî û wedaritişê tecrîdî, dest bi grevê vêşanîye yê dore kerdbî. Çalakîya tepişteyan roja 52ine de dewam kena.&nbsp;

	&nbsp;

	Çalakîya grevê vêşanîye, 27ê Teşrîna Peyêne de çarçeweya kampanyaya “Abdullah Ocalanî rê azadî, problemê kurd rê çareserîya sîyasî” de dîya destpêkerdiş û do heta 15ê sibata 2024î dewam bikero.

	&nbsp;

	&nbsp;