
Roniştişê Halîse Aksoy siba yo 

2024-01-11 10:53:16


	&nbsp;

	&nbsp;

	Şehrîban Aslan

	&nbsp;

	AMED - Halîse Aksoya ke bi îfadeyê Umît Akbiyikî ameye tepiştiş, roniştişê aye do siba bêro dîyîş. Avûkata aye Zeynep Karayilane venga wayîrvejîyayîşê roniştişî kerd.&nbsp;

	&nbsp;

	Halîse Aksoya ke bi kargoyî esteyê lajê aye Agît Îpekî teslîmê aye ameybî kerdiş, bi îfadeyê Umît Akbiyikî hetê Serdozgerîya Komare ya Amedî ra ameye tepiştiş. Halîse Aksoya 56 serrî hema zî tepişte ya. Derheqê aye de bi îdîayê ‘endamtîya rêxistine’ 7 serrî û 6 aşman ra heta 15 serrî ceza yena waştiş. Yewine roniştişê aye 6ê teşrîna verêne ya 2023yî de 10ine Mehkemeya Cezaya Girane ya Amedî de ame dîyîş. Roniştişê diyîne ra ver avûkata aye Zeynep Karayilane qisey kerd.&nbsp;

	&nbsp;

	‘Vera îfadeyê ke yewbînan nêtepişenê nêameye verdayîş’&nbsp;

	&nbsp;

	Zeynepe prosesê cipersayîş û dewaye vîst vîr û bale ant serê îfadeyê şahido eşkera yê roniştişê yewine. Zeynepe qiseykerdişê xo de wina vat: “Şahid îdîa kerd ke Halîse Aksoye keyeyê xo sey ‘keyeyê bi asayîş’ şuxilnena. Wexto ke ma ewnîyenê dosya ra her çend ke îfadeyê şahido îtîrafkar yewbînan nêtepişî zî heyetê mehkema qerarê dewamkerdişê tepiştişê Halîseye da.”&nbsp;

	&nbsp;

	Roniştişê diyîne 12ê Çeleyî de yo&nbsp;

	&nbsp;

	Zeynepe dewamê qiseykerdişê xo de ard ziwan ke Halîse çarçeweya dosyayî de 9 aşmî yo tepişte ya û wina peynî kerd: “Prosesê tepiştişî de nêweşîyê Halîse dewam kerd. Rewşa aye her ke şina xira bena. Halîse çimanê xo ra nêweş a. Verê cû çend reyan amelîyat bîya. Şertê zîndanî aye dano zorî. Nêweşîyê aye yê bîn zî est ê. Nê nêweşîyan vera çend reyan wedarîyaye nêweşxane. Vera nê zî serbest nîna verdayîş. 12ê Çeleyê 2024î de saet 09.45î de do roniştişê aye yê diyîne bêro dîyîş. Ez venga wayîrvejîyayîşî kena. Ganî heme dezgehê cinîyan û dezgehê demokratîke tewrê roniştişî bibê. Wa paştî bidê dadîya Halîse.”

	&nbsp;