
Saadet Akine ra semedê 3 sîyasetmedaran deyîre

2024-01-09 15:14:09


	&nbsp;

	AMED - Tepişteya Sîyasî Saadet Akine, semedê 3 sîyasetmedarê kurdî Sakîne Cansiz, Fîdan Dogan û Leyla Şaylemez ke Parîs de ameyî qetilkerdiş, deyîrêke vat.

	&nbsp;

	Tepişteya sîyasî Saadet Akina ke serra 2015ine de wextê qedexeyê tebervejîyayîşê teberî yê Amedî de ameye tepiştiş û 5 serrî Zîndanê Cinîyan ê Sîncanî de yena tepiştiş, deyîrêke newe viraşte. Saadete deyîra xo ya newe, semedê hîrê sîyasetmedarê kurdî Sakîne Cansiz, Fîdan Dogan û Leyla Şaylemez ke 9ê Çeleyê 2013ine de paytextê Fransa Parîsî hetê MÎTî ra ameyî qetilkerdiş, viraşte. Saadete 3 sîyasetmedarê cinî yê kurdî serrgêra qetilkerdişê înan de bi deyîra ke vat, ard vîr.

	&nbsp;

	Saadet Akin kam a?

	&nbsp;

	Saadete ke serra 2015ine de qezaya Sûrî ya Amedî ameye tepiştiş û berdîya Zîndanê Cinîyan ê Amedî, dimayê 2 serrî, sirgûnê Zîndanê Cinîyan ê Tarsûsê Mêrsînî ameye kerdiş. Saadete ke nêzdîyê 2 serrî Tarsûs de mende, tewr peyîn sirgûnê Zîndanê Padeye yê Cinîyan ê Sîncanî ya Anqarayî ameye kerdiş. Saadete 5 serrî yo Sîncan de tepişte ya.

	&nbsp;

	&nbsp;

	&nbsp;

	&nbsp;