Rozerîne 8ine qetilkerdişê serrgêra xo de ameye yadkerdiş 

2024-01-08 14:59:54


	 

	 

	AMED - Rozerîn Çukura ke qezaya Sûrî ya Amedî de ameye qetilkerdiş, 8ine serrgêra xo de serê gorê xo de ameye yadkerdiş. Dadîya aye Fahriye Çukur serê gorê aye de qisey kerd û wina vat: “Mi Rozerînêke vînî kerd. Mi xeylêk Rozerînan qezenc kerd. Ez bi kênaya xo serberz a."

	 

	Rozerîn Çukura 17 serrî ke 8ê Çeleyê 2016ine de demê qedexeyê tebervejîyayîşê kuçeyan ê Amedî de mabêne serranê 2015-2016î de pê ame de hetê hêzê taybetî ra ameye qetilkerdiş, dewa Herîdanî ya qezaya Pîranî ya Amedî de serê gorê xo de ameye yadkerdiş. Endamê keyeyî beşdarê yadkerdişê 8ine serrgêra qetilkerdişê Rozerîne bîyî.

	 

	'Tîya serd o gelo bito serd nîyo?'

	 

	Demo ke dadî û pîyê Rozerîne serê gorê aye qisey kerdî, hîsgêr bîyî û dadîya aye Fahrîye Çukur venga Rozerîne kerd. Fahrîye ard vîr ke Rozerîne waştêne biba doktor û wina vat: “Bi 8 serrî yo keyeyê mi de vengê aye nîno. Heta ez sax bî ez o bêra serê gorê to. Wexro ke bimirî ez o kîşta to de rakewî kênaya mi. Ma do dinya bîne de hesab bipersê. Tîya serd o gelo bi to zî serd nîyo?”

	 

	'Kênaya mi kênaya Kurdistanî ya'

	 

	Fahrîya ke dimayê ke xatirê xo Rozerîne ra waşt û vat: "Destê kênaya mi de defter û qaleme estbî. Kênaya mi kênaya Kurdistanî ya. Mi Rozerînêke vînî kerd la mi xeylêk Rozerîne bi dest kerdî. Ez bi kênaya xo serberz a.”