
Mehkema redkerdişê sûcî yê kerdoxan kerd bahaneyê beraetî 

2024-01-08 10:43:09


	&nbsp;

	&nbsp;

	Şehrîban Aslan

	&nbsp;

	AMED - Xana Axpar de tuto 8 serre Muhammed Velî Dumez ameybî qetilkerdiş û dewa de mehkema qerarêke bi bahane daye û seba wirdî şikdaran vat ‘îfadeyê bi îstîqrar yê ke sûc qebûl nêkenê est ê’ û ‘delîlê somut çin ê û her tewirê şikdarîye ra dûrî yê’.&nbsp;

	&nbsp;

	Taxa Selgelya ya Xana Axparî ya Amedî de 21ê Çeleyê 2020î de tuto 8 serre Muhammed Velî Dumez vînî bibi. Muhammed eynî taxe de keyeyê xirabe û veng de merde ameybî dîyîş. Derheqê qewimîyayîşî de 6 merdimê ci ameybî destbendkerdiş û dimayê îfadeyî serbest ameybî verdayîş. Çarçeweya tehqîqat, de ema ci Husnugul Taşe, lajê emika ci E.T û O.F.F, B.T, xalê tutî Veysî Taş û ‘tuto ke ver bi sûcî ra berdbî’ ameybî destbendkerdiş. E.T, O.F.T û B.T. dimayê îfadeyê dozgerîye serbest ameyî verdayîş. Veysî Taş û Husnugul Taş û tut 14ê Adara 2020î de ameyî tepiştiş. Îdîanameyo ke derheqê şikdaran de ame amadekerdiş hetê 2ine mehkemaya cezaya girane ya Amedî ra ame qebûlkerdiş û roniştişê hîrine de vîşêrê tuto ke ameyêne muhakemekerdiş 3 kesê bînî serbest ameyî verdayîş. Roniştişê dewaye 10ê teşrîna verêne ya 2023yî de ameyî dîyîş. Mehkema tuto ke ver bi sûcî ra ameybî antiş, semedo ke emre ci binê 18 serre bî cezaya ci 3yî ra yew fîna û 20 serrî ceza da.&nbsp;

	&nbsp;

	Heyetê mehkema seba Husnugul û Veysî Taşî zî bi bahaneye delîlê somut çin ê qerarê beratî da.&nbsp;

	&nbsp;

	Mehkema qerarê xo yê bi bahaneyin de eşkera kerd. Qerar de seba wirdî şikdaran wina ame vatiş ‘îfadeyê bi îstîqrar yê ke sûc qebûl nêkenê’ û ‘delîlê somut çin ê û her tewirê şikdarîye ra dûrî yê’. Qerarê mehkema de ame dîyarkerdiş ke ameyo fehmkerdiş ke çalakîya sûcî ya musned çin o û seba şikdare Husnugul Taş û Veysî Taşî goreyê nûqtaya hûmara 5271î ya CMKyî ya 223/2-e qerarê beratî da.

	&nbsp;