
Hûyayîşê aye zî sey têkoşînê aye bî 

2024-01-06 14:11:52


	&nbsp;

	&nbsp;

	MERKEZÊ XEBERAN - Fîdan Dogan ke hetê embazanê xo sey "Temsîlkara cigêrayîşê heqîqetî" ameye binamekerdiş, mîyanê polîtîkayê surgun, koçberî û asîmîlasyonî de cuya xo da serê têkoşînî.

	&nbsp;

	9ê Çeleyî 2013ine de Parîsê Fransayî de yew kadroya awankerdoxa PKKyî Sakîne Cansiz (Sara), Endama Têgêrayîşê Ciwanan Leyla Şaylemez (Ronahî) û Temsîlkara Kongreya Netewa Kurdistanî (KNK) ya Parîsî Fîdan Dogan (Rojbîn) ameye qetilkerdiş.&nbsp;

	&nbsp;

	Serê qetilkerdişî de 11 serrî derbaz bî. Yew cinîya ke ameye qetilkerdiş Fîdan Dogan, cuya xo da serê têkoşînî.

	&nbsp;

	Temsîlkara cigêrayîşê heqîqetî

	&nbsp;

	Fîdan Dogane 17ê Çeleyî 1982ine de dewa Hançiplakê Elbîstanî yê Mereşî de ameye dinya. Fîdane 2 serrî bî keyeyê aye mecbûr mend koçê Fransayî bikero. Fîdane zî 9 serrîya xo de şina verê keyeyî. Fîdane kampa multecîyan nê emrê xo de nas kena. Perwerdeyê mîyanên û lîseyî Strasburgê Fransayî de temam kena. Keyeyê aye keyeyêk welatperwer bi û nê semed ra zî Fîdane mîyanê kulturê kurd û têkoşînê neteweyê kurdî de pîl bena.

	&nbsp;

	15 sibate cuya mi de noqteyêke muhîm a

	&nbsp;

	Fîdane şina Komeleya Kulturê Kurdî ya Strasburgî û faliyetê kurdî de ca gêna. Dimayê ke Rayberê PKKyî Abdullah Ocalan 15ê Sibata 1999ine de bi komployêk ardî Tirkîya dima, Fîdane bi hawayêkê çalak tewrê têkoşînî bena. Tewrê xebatê ciwanan yê Ewropayî bena û nameyê ‘Rojbîne’ şuxilnena.

	&nbsp;

	Rojbîne 2002î de wezîfeyê temsîlkarîya Kongreya Neteweyî ya Kurdî (KNK) gêna. Fîdane xeylêk welatê Ewropa de faalîyetê dîplomatîk kena û bi xeylêk sîyasetmedarê Ewropa reyde yena têhet. Her çiqas bi xeylêk sîyasetmedarê payeberzî reyde bêra têhet zî aye her tim hetê dîplomasîya şarî bî. Hetê aye yê herî zêde bale antêne zî cidiyet, hewldêrî û hêzê aye yê îqnayî yê xebatan de bî. 2007ine de hemverê jehrîbîyayîşê Raberê PKKyî Abdullah Ocalanî bi waştişê ke CPT heyetêk bişirawo Îmraliyî çalakîya grevî ya 39 rojan pê ard û Fîdane verfekîya çalakî kerd.

	&nbsp;

	Buroyê Enfromasyonê Kurdistanî de bena berpirsîyar&nbsp;

	&nbsp;

	Rojbîne mîyanê serran de raşteyê dîplomasî de xo laver bena û 2011ine de berpirsyarîya Buroyê Enformasyonê Kurdistanî yê Parîsî gêna. Şerê ke welat rayra berdêne zî platformê mîyanneteweyî de ardêne ziwan. Rojbîne forumê komelî heta senatoyan, parlamento û heta Konseya Ewropayî bena fîgura dîplomatîke ya delegasyonê kurdî. Heta roja ameye qetilkerdiş zî xebatê xo bê mabên dewam kerd.

	&nbsp;

	‘Wa yewe biba yê şarê kurdî’

	&nbsp;

	Dadîya aye Fatma Dogane roportajêk xo de wina qalê kênaya xo kerdebî: “Cinîyêke zanayîne têkilî rono û sosyal bî. Hetê derûdorê xo ra ameyîne heskerdiş. Tu wext xo vîr ra nêkena rojêke vat, ‘Dadê hîrê kênayê to est ê, wa di heb yê to bê û ya bîne zî şarê kurdî biba. Wa semedê şarê kurdî bixebita’. Dem bi dem mi gêrayîne û vatêne, ‘Mi waşt vengê to bieşnawa.’ Mi pawitêne ke rojêke Fîdane bêra. 15 serrî bî keye ra visîyabî. Mi vatêne ‘Bes o Fîdane êdî bêro’. Demê mi wina vatêne rîyê xo tirş kerdêne. Mi ewnîyayîne ke xemgîn bena mi babete padayîne. Do &nbsp;rojêke Fîdane biameyîne û hema zî paweyê Fîdana xo ya…”

	&nbsp;