Stockholm de konferansê ‘Jin Jiyan Azadî’  

2024-01-03 15:05:11


	 

	 

	MERKEZÊ XEBERAN - Paytextê Swêd Stockholmî de do di rojan konferansêk girêdayeyê xoverdayîşê cinîyanê Îranî û Rojhelatê Kurdistanî de bi sloganê “Jin jiyan azadî û ver bi şorişê cinîyan de” bêro organîzekerdiş.

	 

	Konferanso ke bi sernameyê “Jin Jiyan Azadî û Ver bi Şorişê Cinîyan” do 20 û 21ê Çeleyî de bêro organîzekerdiş. Konferansê ci "Utovagen 6, 132 30 Saltsjo-Boo’yî" pê bêro û do babetê cîya bêrê munaqeşekerdiş. Konferans do bi performansê Estêre Mortezaî dest pêbikero.

	 

	Panelê ewilî do derheqê rastîya cinîyan yê tarîxê Îran û Rojhelatê Kurdistanî de bo. Moderatora panalî Shîwa Qelwazî ya û panelê ewilî de do kesê sey; Şehîn Nawayî, Farîba Baluch, Sohreh Qanberî, Şehîrzad Arşedî û Haydeh Deraghahî pêşkêşî bikerê.

	 

	Panelê diyîn de do analîzê sosyolojîkî yê serewedaritişê "Jin Jiyan Azadî’yî" bêro kerdiş. Suheyla Şehiryarî do moderetorîya panelî bikero û nameyê sey; Sumeye Rostempour, Reha Sabet Sarvestanî, Suzan Kerîmî û Sara Efrasîyabî do sey qiseykerdoxî beşdarê panelî bibê.

	 

	Dimayê her di panelê roja ewilî do 21ê Çeleyî derbazê roniştişê roja diyîn bê. Nê panelê hîrên de do problemê cinîyan û şorişê komelî bêrê munaqeşekerdiş û do tesîrê dînamîkê zerreyî û teberî yê serê şoreşê zî bêrê munaqeşekerdiş. Nagîn Şeyh el Îslamî do moderatorîya panelê hîrên bikera û kesê sey; Bîlqeys Roşen, Rojîn Mûkrîyanî, Sara Kirmaniyan û Nêda Hoşeng do beşdar bibê.

	 

	Panelê çarine û peyîn de do serê rayîrê pawitişê şorişê ‘Jin Jiyan Azadî’ û amancê şorişê pêşkêşî bêrê kerdiş. Ewatef Asadî do moderatorîya panelî bikera û kesê sey; Elah Sedîr, Ferîba Burhan Zehî, Roza Sabet û Meryem Fethî do pêşkêşî bikerê.

	 

	Kesê ke wazenê beşdarê konferansî bibê eşkenê bi rayîrê nê e-mailî bikewê têkilî: jinjiyanazadi-conference@riseup.net