Foza Yûsif: Hemverê hêrişan de ma xoverdayîşê topyekun îlan kenê 

2023-12-25 14:44:19


	 

	 

	MERKEZÊ XEBERAN - Foza Yûsif dîyar kerd ke dewleta tirkan şerêk topyekun vera şarê herême de keno û vat: “Ma zî xoverdayîşêk topyekun îlan kenê. Ganî şarê ma hemverê şerê qirkerdişî de seferber bibo.”

	 

	Endama Heyetê Hemserekîya Partîya Yewîya Demokratîke (PYD) Foza Yûsif derheqê hêrişê dewleta tirkan yê serê herême de ANHAyî rê qisey kerd. 

	 

	Foza dîyar kerd ke dewleta tirkan şerêk topyekun hemverê şarê herême de îlan kerda û vat: "Dewleta tirkan şerêk topyekun vera şarê ma de îlan kerda, her çî kena hedef, temamê qanûn û pêmawitişê mîyanneteweyî bin pay kena.  No hêriş hemverê bîyayîşê şarê herême yo.”

	 

	Foza Yûsif, vera hêrişan de venga pêgirewtişî kerd û wina dewam kerd: "Ma zî xoverdayîşî topyekun îlan kenê. Ganî şarê ma temamê bajar û sazgehan de vera nê şerî yê qirkerdişî de seferber bibê. Ganî ma sazgeh û îdarekarîyanê xo bipawê. Ganî ma rewşa seferberî de bê. Ewro roja xoverdayîş û rûmetî ya. Ganî ma pêgirewte bê û hemverê kerdişê dewleta tirkan yê faşîst de seferber bibê.”