
‘Bê azadîya Serek Apo şarê kurdî azad nêbeno’  

2023-12-25 10:11:54


	&nbsp;

	&nbsp;

	Pelşîn Çetînkaya

	&nbsp;

	AMED - Cinîyê ke tewrê 1ine Kongreya Asayî ya Meclîsê Ciwanan ê DEM Partîye bîyî, dîyar kerdî ke nê tecrîdê serê Rayberê PKKyî Abdullah Ocalanî û yê serê şarê kurdî lanet kenê û vatî ke ê do seba peynîkerdişê tecrîdî têkoşîn bikerê.

	&nbsp;

	Meclîsê Ciwanan ê Partîya Têduştî û Demokrasîyî yê Şaran (DEM Partî) 24ê Kanûne de 1ine Kongreya xo ya Asayî bi sloganê “Bîyayîşêk Ciwanan” Salona Veyve ya Geterlerî ya Amedî de pê ard. Kongreya bi coşe de bajarê Kurdistan û Tirkîya ra bi hezaran kesî amade bîyî, cinîyê ke tewrê kongreye bîyî bale antî serê tecrîdê girankerde yê Îmraliyî ke dest pê kerdo û tesîrê xo pêro şarê kurdî de kerdo.&nbsp;

	&nbsp;

	Cinîyê ke ma kongre de mîkrofonê xo înan rê derg kerd, dîyar kerdî ke heta ke tecrîd nêro peynîkerdiş û Rayberê PKKyî Abdullah Ocalan azad nêbo tu problemêk çareser nêbeno.

	&nbsp;

	Vera tecrîdî de têkoşîn&nbsp;

	&nbsp;

	Medya Înce: Ez tecrîdê serê Rayber Apoyî şermezar kena. Heta ke tecrîdê serê Raybertî nêwirzo şarê kurdî azad nêbeno. Tepişteyê zindanan seba wedaritişê tecrîdê serê Rayber Apoyî dest bi grevê vêşanîye kerdî. Heta ke azadîya Rayber Apoyî nêra no şer û greve vêşanîye do peynî nêbê. Ma wazenê rayber Apo zindan ra bivejîyo û her çar hetê Kurdistanî silam kena.&nbsp;

	&nbsp;

	'Ma tecrîdî şermezar kenê'&nbsp;

	&nbsp;

	Fatma Çik: Kongreya Ciwanan pîroz kena. Ez wazena na kongre biba wesîleya aştî û hêvîye. Ciwanê ma tepişenê û kişenê. Raybertî û heme tepişteyan rê azadî wazena. Ma tecrîdî şermezar û lanet kenê. Ez bi dadîyê Nobeda Edaletî sereberz a.&nbsp;

	&nbsp;

	'Ma her tim aştî wazenê’&nbsp;

	&nbsp;

	Ayşe Alagaş: Ez heme tepişteyan û Rayber Apoyî silam kena. Ez tecrîdê girankerde yê serê Rayber Apoyî şermezar kena. Ez paştîdayîş dana grevê vêşanîye yê tepişteyan. Ganî ma wayîrê tepişteyan bivejê. Ma heta peynî paştîya ciwanan de yê. Ma her tim aştî wazenê.&nbsp;

	&nbsp;

	'Şarê kurdî seba peynîkerdişê tecrîdî têkoşîn keno'&nbsp;

	&nbsp;

	Rihan Kaplan: Verê her çîyî ez Rayber Apo silam kena. Nizdîyê 3 serrî yo ma Rayber Apo ra xeberêke nêgînê. Ma wazenê tecrîdê serê Rayber Apo û şarê kurdî peynî bibo. Tepişte û dadîyê tepişteyan zî seba wedaritişê tecrîdî têkoşîn kenê. Ganî heme şarê kurdî paştîdayîş bidê nê têkoşînî.&nbsp;

	&nbsp;

	'Ma kurd ê, nêeşkenê ma bitersînê'&nbsp;

	&nbsp;

	Şemsîye Bagdur: Ez wazena bi lezkî demêk lez de zilmê serê şarê kurdî peynî bibo. Hêrişê dadîyanê aştîye kenê. Wexto ke ma ameyî kongre zî reaksîyon mojnayî kinc û xoradayîşê ma yê neteweyî rê. Ma kurd ê, nêeşkenê ma bitersnê. Ma do her tim taqîpkarê rayîrê ciwan û şehîdanê xo bê. Ma qet fek ciwananê xo ra vera nêdanê.

	&nbsp;