Semedê şehîdanê Parîsî Stockholm de yadkerdiş 

2023-12-24 14:59:06


	 

	MERKEZÊ XEBERAN - Sakîne Cansiz, Fîdan Dogan, Leyla Şaylemez, Evîn Goyî, Abdûrrahman Kizil û Mîr Perwer ke Parîs de ameyî qetilkerdiş, Stockholm de ameyî yadkerdiş.

	 

	Vernîya 11 serran roja 9ê Çeleyî serkeşê Têgêrayîşê Azadîya Kurde Sakîne Cansiz, Fîdan Dogan û Leyla Şaylemeze Parîs de ameyî qetilkerdiş. 23ê Kanûna 2022ine eynî bajarî de Emîne Kara, Abdûrrahman Kizil û Mîr Perwer ameyî qetilkerdiş. Semedê yadkerdişî nê şehîdan paytexta Swêd Stockholmî merasîmêk yadkerdişî ame organîzekerdiş.

	 

	Merasîmê yadkerdişî serê venga Meclîsê Cinîyan ê Amarayî ame organîzekerdiş. Xeylêk Kurdistanî û dostê înan beşdarê yadkerdişî bîyî. Merasîm bi deqeyêk rêzgirewtişî dest pêkerd û bi qiseykerdişê Şukran Amed û Latîf Cebe dewam kerd.

	 

	Qiseykerdoxan dîyar kerd ke şehîdê pêro kurdan anê têhet û ruhê yewîye awan kenê û venga wayîrvejîyayîşê şehîdan ame kerdiş. Ame dîyarkerdiş ke bêvengîya hukmatê Fransayî yê hemverê qirkerdişan zî nîno qebûlkerdiş.

	 

	Dima ra aktîvîsta Swêdî Stîna Beng zî şehîdê Parîsî ard vîr û deyîra xo ya “Hevala Sara” ke semedê Sakîne Cansiz (Sara) viraşta, vat.

	 

	Serê nameyê Têgêrayîşê Cinîyanê Kurdan ê Ewropa zî Nûpel Mûnzûr qisey kerd û soz da ke ê do wayîrê ercê şehîdan vejîyê.

	 

	Merasîmê yadkerdişî bi muzîkê Evîn Akbaş peynî bi.