ÎSÎG: Mîyanê 10 serran de 364 karkerê tekstîlî dinyaya xo bedelnayî 

2023-12-19 14:58:24


	 

	 

	 

	STENBOL - Goreyê dayeyê ÎSÎGî mîyanê 10 serran de 364 karkerê tekstîlî cînayetê karî de dinyaya xo bedelnayî.

	 

	Meclîsê Asayîşê Karî û Weşîye Karkeran (ÎSÎG) Raporê Cînayetê Baskê Karî yê Tekstîlî yê 2013ine û 2023ine eşkera kerd. Goreyê raporî mîyanê 10 serran de 364 karkerê tekstîlî cînayetê karî de dinyaya xo bedelnayî.

	 

	Bajaro tewr zêde merdîş ci de virazîya Stenbol o. Rapor de ame dîyarkerdiş ke Dîlok de 47, Tekîrdag de 43, Bûrsa de 24, Denîzlî de 20 û Riha de zî 11 kesî dinyaya xo bedelnayî. 

	 

	Rapor de ame dîyarkerdiş ke se ra 86ê mergî qezayê trafî de virazîyayî, 55 semedê teqîn û şewatî, 48 semedê pelçiqnayîş û hezazî, 38 semedê kewtişî corî, 31 zî semedê Kovîd-19î virazîyayî.

	 

	Rapor de ame dîyarkerdiş ke 81 cinî û 16 tutî zî cînayetê karî yê nê baskê karî de dinyaya xo bedelnayî.