Dermanê ke tarîxê înan şîbî dayî tepişteya nêweşe 

2023-12-18 16:13:25


	 

	ÎZMÎR - Semedê tepişteya bi nameyê Fatma Ozbaye ke nêweşa kanserî ya, dermanê ke tarîxê înan şîbî dayî aye.

	 

	Her roje binpaykerdişê heqê tepişteyan zêde benê. Zîndanê Cinîyan ê Şakranî de semedê tepişteya nêweşe ke bi 26 serrî yo tepişte ya û ci rê dermanê ke tarîxê înan şîbî dayî. O dermano ke 8ê Kanûne de dabî û Fatma 8 rojan şuxilna. Dimayê ke sereyê Fatma gêj bî û hal ra kewte û nêeşka rayîr ra şêro ame famkerdiş ke tarîxê dermanî derbaz bîyo. Fatma nê ser de Serdozgeriya Komarê ya Îzmîrî rê gerre kerd. Fatma da zanayîş ke semedê denetimêk derheqê dermanê tarîxê înan şîyo de nîno kerdiş, do muracatê Wezaretê Edaletî bikerê. 

	 

	Teşhîsê kanserî dayî

	 

	2018 de semedê Fatma teşhîsê kanserî ame ronayîş. Eynî aşme de emelîyat bîbî û memikê aye çepî girewtibî. Dima ra heşt seansî kemoterapî û 25 rojan radyoterapi dî. Dimayê nê tedawiyan tedawiya dermanan dest pêkerd.