
Cinîyê Amedî: Ma şaredarîyê ke kişta şarî de yê, wazenê  

2023-12-12 14:10:55


	&nbsp;

	&nbsp;

	Pelşîn Çetînkaya

	&nbsp;

	AMED - Cinîyê Amedî dîyar kerdî ke ê şarêdarîyê ke kişta şarî de ca gênê, wazenê û waştişê xo yê seba prosesê newe ardî ziwan.&nbsp;

	&nbsp;

	Weçînayîşê herêmî yo ke do 31ê Adara 2024î de bêro viraştiş, nizdî beno. Partîyê sîyasî zî lez dayî xebatê xo yê seba weçînayîşî. Sîyasetê kurdî &nbsp;vera tayînkerdişê qeyûman yê semedê şaredarîyê bajarê Kurdistanî amadekarîyê xo hîna zêde xurt keno. Hemwelatijê Amedî zî derheqê weçînayîşê herêmî de ercayîşanê xo ardî ziwan.&nbsp;

	&nbsp;

	Şaredarîyê kişta şarî de yê

	&nbsp;

	Şevîn Turana ke Amed de ciwîyena da zanayîş ke ê şaredarîyê demokratîk wazenê û wina vat: “Nika problemê tîryakî her ke şino zêde beno û ma şaredarîyê ke vera nê çîyan de vindenê, wazenê. Xeylê reyan semedê probleman ma şîyî şaredarîyê ke destê qeyûman de yê, la tu problemêk çareser nêkerdî. Weçînayîşê herêmî de ma şaredarîyê kişta şarî de wazenê.”

	&nbsp;

	‘Peyarayîran xerepnenê û reyna virazenê’&nbsp;

	&nbsp;

	Meyrem Turana ke gerreyê qeyûman kena da zanayîş ke şaredarîyê hetê şarî do bêrê weçînayîş û wina dewam kerd: “Demê verênan de herinda hemserekan de qeyûmî ameyî tayînkerdiş. Heme keda ma 20 serrî pey de şî. Ma hende kede danê, xebetîyenê. Ma nêwazenê keda ma vînî biba. Coka ra wa şar biweçîno. Kam ke karê xo baş keno wa bêro weçînayîş. Qeyûm qet nêxebetîyeno. Semedê şarê kurdî qet nêxebetîyenê. Ma dormeyê xo ra ewnîyenê heme bi eşteyan pirkerde yo. Herinda ke hetkarîya mexduran bikerê, payarayîran xerepnenê û reyna virazenê.”&nbsp;

	&nbsp;

	‘Wa xebatê şaredarîye zafziwanî bo’&nbsp;

	&nbsp;

	Mîne Karakaşa ke Komeleya Cigêrayîşê Kultur û Ziwanî ya Mezopotamyaye (MED-DER) û mamosteya ziwanê kurdî wina vat: "Wa şaredarî xebatê xo ya zafziwanî bikera. Wexto ke kewtî mîyanê şarî wa ziwan û problemê şarî ra fehm bikerê. Wa no nizdîbîyayîş mabenê şar û şaredarîyan de virazîyo. Bi qeyûman şaredarîyan bi zorî ma ra girewtî. Coka ra zî qeyûm ne hetê şarî ra û ne zî hetê xebatkaran ra nînê waştiş. Şar qeyûman nêwazeno. Çike ê şarî ra nîyê. Wexto ke ziwan û kulturê şarî nêzanê nêeşkenê xizmetê şarî zî bikerê.”

	&nbsp;

	‘Hêrişê raşteyê ziwan û kulturî kerdî’&nbsp;

	&nbsp;

	Mîneye ard ziwan ke qeyûm her çî ra ver hêrişê ziwan û kulturî kerd û wina qiseykerdişê xo peynî kerd: “Qeyûman nameyê kuçe, raşte û dewan bedilna. Tabelayê kurdî wedaritî. Dezgehê cinîyan girewtî û hêrişê ziwan, kultur û cinîyan kerdî. Ganî dezgehê cinîyan ê ke ameyî girewtiş reyna bêrê akerdiş.”

	&nbsp;

	‘Qeyûm xebatê ke komelî rê fêdeyê ci est ê nêkeno’&nbsp;

	&nbsp;

	Endama Meclîsê Partîya Têdûşt û Demokrasîye ya Şaran (HEDEP) Sema Koçe da zanayîş ke no di demo ke qeyûm komelî rayîra ra beno, kesê ke ameyî weçînayîş rayîr ra nêbenê û wina vat: "Ganî weçînayîşê newe yê herêmî de îradeyê şarî esas bêro girewtiş. Qeyûm bajar de bî sebebê xeylê texrîbatan. Qeyûm xebatê ke komelî rê fêdeyê ci est ê nêkeno. Xizmetê komelî nêkeno. Heme erdê şaredarîye pêşkêş kerdî. Ameyoxê kaseya şaredarîye herikîyeno kam ca nîno zanayîş.”

	&nbsp;

	‘Ganî bajar goreyê astengdaran bêro dîzaynkerdiş’&nbsp;

	&nbsp;

	Hemverfeka Komîsyonê Astengdaran a HEDEPî û endama MYKyî ya HEDEPî Hatîce Betul Çelebîye da zanayîş ke xeylê astengdar est ê û vat înan ra zaf tay eşkenê şêrê rehabilitasyon û wina dewam kerd: “Zaf tay astengdar eşkenê bivejê teber. Sebebê nê çîyî zî no yo ke polîtîkayê bîyaye goreyê dizaynkerdişê teberî yê goreyê astengdaran ê. Ganî şaredarî sîstemê raydayîşî esas bigîro. Ganî bajar goreyê astengdaran bêro dîzaynkerdiş.”

	&nbsp;