
Do NÇM semedê serrgêra xo ya 32yîne konser bido 

2023-12-08 15:33:19


	&nbsp;

	&nbsp;

	STENBOL - NÇMyî semedê wesîleya 32yîne serrgêra xo, bi sloganê “Roja Azad, Hunero Azad” konserêk organîze bikero.

	&nbsp;

	Merkezê Kulturî yê Mezopotamyaye (NÇM) semedê wesîleya 32yîne serrgêra awankerdişê xo bi sloganê “Roja Azad, Hunero Azad” konserêk organîze bikero. &nbsp;Konser, do 16ê kanûne saete 18.00 de Merkezê Platformê Yahya Kemal Beyatli yê Kuçukçekmeceyê Stenbolî de bêro organîzekerdiş.

	&nbsp;

	Konser de pêwa koroyê NÇMyî, eynî wextî de hunermend Yalda Abbasî û Alî Dogan Gonultaş û dengbêj Kazo zî vejîyê sehne. NÇMyî serê hesabê xo yê medyaya dijîtale de venga tewrbîyayîşê konserî kerd. NÇMyî wina vat: “Zext û zordarî serê komel û hunerî de yeno rayîr ra berdiş. Hemverê na rewşe de &nbsp;vindertiş û hunerêk şorişgêrî lazim o. Bi nê ruhî û na çarçewa de ma do 32yîne serrgêra NÇMyî de bi sloganê ‘Roja Azad, Hunero Azad’ konserê xo organîze bikerê. Ma venga pêro şaranê xo kenê ke bêrê têhet û ma vengê xo semedê azadî berz bikerê.

	&nbsp;