
‘Şaredarî kerdî sey qerekol’ 

2023-12-07 09:59:43


	&nbsp;

	&nbsp;

	Oznûr Deger&nbsp;

	&nbsp;

	MÊRDÎN - Hemşaredara Bajarê Girdî ya Mêrdînî Fîgen Altindaga ke qeyûm tayînê herinda aye ameybî kerdiş wina vat: “Xoverdayîşê zîhnîyetê talanker ardî tîya bi ca kerdî û waştî ke tîya reyde kay bikerê. Ma do bi şarê xo reyde wayîrê keda xo bivejê.”

	&nbsp;

	Îqtîdarê AKP û MHPyî serra 2016an ra heta nika Kurdistan de polîtîkayê qeyûmî pê ano û netîceyê nê polîtîkayan de qeyûm tayînê şaredarîyê Partîya Demokratîke ya Şaran (HDP) ame kerdiş. Dimayê weçînayîşê 31ê Adare ya 2019î sere de semedê şaredarîyê bajarê girdî yê Amed, Wan û Mêrdînî qeyûm tayînê xeylê şaredarîyê Kurdistanî kerd û sîyasetmedarî ameyî tepiştiş. No proseso ke ma ver bi weçînayîşê herêmî ra şinê de texrîbatê qeyûman dewam keno. Qeyûmo ke seba şarî tu xizmetêk nêkeno û hema dezgehanê ke falîyet rayîr ra benê girewto, şaredarîyan de polîtîkayê şerê taybet rayîr ra beno.&nbsp;

	&nbsp;

	Hemşaredara Bajarê Girdî ya Amedî Fîgen Altindaga ke qeyûm tayînê herinda aye ameybî kerdiş derheqê sîyasetê qeyûmî de ercnayîş kerd.&nbsp;

	&nbsp;

	

	Bi destê qeyûman beusûlî&nbsp;

	&nbsp;

	Fîgene da zanayîş ke Mêrdîn bi ziwan, kultur, tarîxê xo bajarêk cîya yo û dima ke ameya weçînayîş badê 4 aşmî qeyûm tayînê herinda aye ameyo kerdiş û wina vat: “Nê prosesî de ma sey hemşaredarê ke ameyî weçînayîş ma xizmet şarê xo rê nêkerd. Mêrdîn de texrîbatê qeyûmî wina giran bîyo ke kerra serê kerra de nêverdayo. Qeyûm talan o, darbe yo, bêusûlî yo û dizdî yo. Bi vatişan nînê vatiş. Bêusûlîyê ke şaredarîye de ameyî kerdiş bîyî manşet. Qeyûm Mustafa Yaman îmze eşt bêusûslîyê girdan. Raporê Sayiştayî yê 2022yî de zî bîyî rapor.”

	&nbsp;

	‘Zîhnîyetê talanker bi ca kerdî’&nbsp;

	&nbsp;

	Fîgene sewbîna ard ziwan ke hetê qeyûmî ra semedê Serekatîya Daîreya Polîtîkayê Cinîyan camêrdêk ame tayînkerdiş û vat: “Camêrdêko tacîz û destdergê tesdîq keno ardî serê Kent A.Ş. Ê heme yew ê. Tena Mustafa Yaman nê û kesê bîn. No polîtîkayêk dewlete yo. Hemverê şaredarîyê Kurdistanî de polîtîkayêk bî. Rojêk dimayê weçînayîşan plan û projeyê ‘wa yê ke ameyî weçînayîş nê wa yê tayînkerde bêrê’ awan kerdî. Mîyanê ci zî pir kerdî. Şaredarîyan de îhaleyê ke ameyî kerdiş goreyê usulî nêameyî kerdiş. Karker û memur teber ra ardî. Çorum, Anatolya Mîyanên û Behrasîya ra karker û memuran ardî. Zîhnîyetê talanker bi ca kerdî.”&nbsp;

	&nbsp;

	‘Şaredarî kerdî sey qerekol’

	&nbsp;

	Fîgen dewamê qiseykerdişê xo de vat: “Roja ke qeyûm ame tayînkerdiş ra tepîya şar nêeşkeno waştişanê xo bîyaro ziwan. Şar şaredariyê xo wazeno. Şaredarî kerdî sey qerekol. Merdim nêeşkeno bikewo şaredarîyan. Biverdê zerreyê ci teberê ci merdiman tersneno. Zîhnîyeto ke zerre de yo merdiman tersneno. Ez bawer kena ke şar her çîyî baş vîneno û do serê sindoqan de cewab bido înan. Ma dî ke no şar çi probleman ciwîyeno. Şarê ma bi vengêk berz waştişanê xo ano ziwan. Ma do nê prosesî bi şarê xo reyde rayîr ra berê. Ma do ber bi ber bigêrê û pîya serbikewê."

	&nbsp;

	‘Ma do wayîrê keda xo bivejê’&nbsp;

	&nbsp;

	Fîgene qiseykerdişê xo yê peyênan de bale ant serê bêtehemmulîya qeyûmî û wina peynî kerd: “Ewil name bedilîyenê û dima ra zî mîyanen û îdarekarî bedilnenê. Ma do înan newe ra bimûnê. Ma do newe ra saz bikerê û xurt bikerê. Ma do bi şarî reyde wayîrê keda xo ya bi serran bivejê.”

	&nbsp;

	&nbsp;