Çalakîya grevê vêşanîye roja 8ine de ya 

2023-12-04 15:33:13


	 

	MERKEZÊ XEBERAN - Grevê vêşanîye yê dore yê tepişteyanê sîyasîyan bi çarçewaya kampanyaya "Abdullah Ocalanî rê azadî, problemê kurdî rê çareserî" dayî destpêkerdiş, roja 8ine de dewam kena. 

	 

	Çalakîya grevê vêşanîye ya zîndanê Tirkîya û vakurê Kurdistanî yê semedê azadîya fîzîkî ya Rayberê PKKyî Abdullah Ocalanî yê Zîndanê Tîpê Fyê Asayîşê Berzî yê Îmraliyî de binê tecrîdêk girankerde de yeno tepiştiş, roja 8ine de dewam kenê. 

	 

	Tepişteyê PKK û PAJKî çarçewaya kampanyaya "Abdullah Ocalanî rê azadî, problemê kurdî rê çareserî" 27ê teşrîna peyêne de dayî destpêkerdiş û do 15ê Sibate de peynî bikerê. 

	 

	27ê Teşrîna Peyêne 1978ine, roja “Kongreya Awankerdişî” ya PKKyî ke dewa Fîsî ya qezaya Licê ya Amedî de amebî awankerdiş. 15ê Sibate zî roja tepiştişê Abdullah Ocalanî û teslîmkerdişê Tirkîyaye yo. 

	 

	Rayberê PKKyî Abdullah Ocalanî 25 serrî Zîndanê Îmraliyî tecrîdî de yeno tepiştiş û 32 aşmî yo zî bi tu hawayî destûr nîno dayîş ke bi keye û avûkatanê xo reyde pêvînayîş bikero.

	 

	Rêberê PKKyî Abdullah Ocalan 25 serrî yo Îmrali de şert û mercê tecrîdê girankerde de yo û 33 aşmî yo tu agahî ci ra nîna girewtiş