Îzmîr de semedê rayîr ra şîyayîşê 25 Teşrîna Peyêne vengdayîş 

2023-11-24 15:22:35


	 

	 

	ÎZMÎR - TJA û Meclîsê Cinîyan ê HEDEPî yê Îzmîrî bi wesîleya rayîr ra şîyayîşê 25ê Teşrîna Peyêne venga tewrbîyayîşê rayîr ra şîyayîşî kerd. 

	 

	Têgêrayîşê Cinîyanê Azadan (TJA) û Meclîsê Cinîyan ê Partîya Têduştî û Demokrasîyî yê Şaran (HEDEP) semedê rayîr ra şîyayîşê 25ê Teşrîna Peyêne do Alsancakê Îzmîrî de bêro organîzekerdiş, vilawikî vila kerdî û cinî dawetê rayîr ra şîyayîşî kerdî. Kemeraltiyê Konakî de vilawikî ameyî vilakerdiş. Parlamentera HEDEPî ya Îzmîrî Burcugul Çubuk tewrê çalakîye bîye. Çalakî de sloganê "Jin jiyan azadî","Cinayetê cinîyan polîtîk ê","Ma bêveng nêbenê, nêtersenê û sere nêtewênenê", "Cinî pîya bi hêz ê" ameyî berzkerdiş. 

	 

	'Ma do fek têkoşînê hemverê tecrîdî de vera nêdê'

	 

	Çalakîya vilakerdişê vilawikan de cinîyan vatî ma do fek ci ra vera nêdê û vatî: "Ma do fek cuya azad, adîl û têduştî vera nêdê. Ma do hemverê polîtîkayê şîdetî û şerî aştîyêke bi rûmet bipawê. Ma do fek silamkerdişê serewedaritişê Kobanê vera nêdê. Ma do fek têkoşînê hemverê tecrîdî vera nêdê. Tecrîd sûcê merdimayîye yo. Ma do hemverê îqtidarê camêrd ê cînsperest, yewperestî de fek têkoşînê xo yê azadîye vera nêdê. Ma venga pêro cinîyan kenê ke siba vejîyê kuçeyan."

	 

	Vilakerdişê vilawikan bi berzkerdişê sloganan peynî bî.