Mesajê tepişteyan ê 25ê Teşrîna Peyêne: Bi felsefeya 'Jin jiyan azadî' bêrê têkîşt  

2023-11-21 14:32:50


	 

	 

	 

	ÎZMÎR - Tepişteyê Zîndanê Cinîyan ê Şakranî mesajê xo yê 25ê Teşrîna Peyêne de dîyar kerdî ke zîndanî mekanîzmayê şîdetî yê û zîndanan de tecrîd her ke şino zêde beno. Sewbîna cinîyan da zanayîş ke ferqê rewşa kesê ke teber de yê zî yê zerre ra nêemendo û vatî: “Bi felsefeya 'Jin jiyan azadî' bêrê têkîşt.” 

	 

	Cinîyê tepişte yê Zîndanê Cinîyan ê Şakranî mesajê xo yê 25ê Teşrîna Peyêne Roja Têkoşînî yê Vera Şîdetê Serê Cinîyan de mesajê xo şirawitî. Cinîyan mesajê xo de bale antî serê şîdetê serê cinîyan ke her ke şino zêde beno û vatî ke ganî têkoşîn hîna gird bibo. 

	 

	Venga yewîya vera şîdetî 

	 

	Cinîyê tepişteyî dîyar kerdî ke şîdetê serê cinîyan cinîyan keno kole û vera nê caardişan de ganî cinî xoverdayîşê xo gird bikerê. Cinîyan dîyar kerd ke zîndan de zî şîdet, tecrîd, tedaya psîkolojîk xorî bîyo. Cinîyan dîyar kerd ke ê bi paştîdayîşî vera şîdetî de vindenê û vatî ke zîndanî mekanîzmayê şîdetî yê û zîndanan de tecrîd her ke şino zêde beno. Sewbîna cinîyan da zanayîş ke ferqê rewşa kesê ke teber de yê zî yê zerre ra nêmendo û vatî: “Bi felsefeya 'Jin jiyan azadî' bêrê têkîşt.”