Semedê 25ê Teşrîna Peyêne tepişteyan rê kartî ameyî şirawitiş

2023-11-20 14:54:31


	 

	 

	WAN - Çarçewaya çalakîyê 25ê Teşrîna Peyêne yê Wan de serkêşîya TJAyî de cinî bi sloganê "Jin jiyan azadî" Kuçeyê Sanatî ra heta Postexaneyê Merkezî rayîr ra şîyî û dima ra kartpostalê ke amade kerdibî, cinîyanê tepişteyan rê şirawitî.

	 

	Bi serkêşîya Têgêrayîşê Cinîyê Azadî (TJA) yê Wanî û TUHAY-DER, çarçewaya hemleyê 25ê Teşrîna Peyêne yê Mîyanneteweyî de cinîyê ke zîndanê cîya yê Kurdistan û Tirkîya de tepişte yê, kartî ameyî şirawitiş. Cinîyê TUHAY-DERî ameyî têhet û serê kartpostalê ke ardê mesajê 25ê Teşrîna Peyêne nuştî û kerdî zarfan. Cinî dima ra bi sloganê "Jin jiyan azadî" û "Tepişteyê sîyasî rûmetê ma yê" ver bi postexaneyî de rayîr ra şîyî. Polîsan waşt ke cinîyan asteng bikerê la pêwa astengîyê polîsan zî cinîyan rayîr ra şîyayîşê xo dewam kerd. 

	 

	Serê nameyê cinîyê ke ameyî postexane Hemsereka TUHAY-DERî Edîbe Babûr qisey kerd û dîyar kerd ke ê do têkoşînê xo yê hemverê her tewir şîdetî girs bikerê û waşt 25ê Teşrîna Peyêne semedê pêro cinîyan bibê sebebê têduştî, demokrasî û azadî. Dima ra cinî kewtî postexane û kartê ke amade kerdibî tepişteyan rê şirawitî.

	 

	Cinî do çarçewaya 25ê Teşrîna Peyêne de konserê dengbejî saete 14.00ine awanîya HDPyî ya Îpekyoluyî de bêro organîzekerdiş.