Raywanê Azadîye ke resayî Bursayî ver bi Gemlîkî de şinê!

2023-11-19 15:02:17


	 

	 

	BÛRSA - Bi seyan "Raywanê Azadîye" ke Taxa Arabayatagi de ameyî têhet, pêwa bi seyan kesê ke Stenbol de pêwa pêro zext û astengîyê polîsan ver bi Gemlîkî de kewtî rayîr.

	 

	"Rayîr ra şîyayîşê Azadîye" çar hetê Kurdistan û Tirkîya de ver bi qezaya Gemlîkî ya Bursayî de semedê wedaritişê tecrîdê serê Rayberê PKKyî Abdullah Ocalanî ke 33 aşmî yo binê tecrîdê girankerde yo Girawa Îmraliyî de yeno tepiştiş û agahî ci ra nîna girtewtiş, dewam keno. 

	 

	Bursa de ameyî têhet

	 

	Pêwa varanê zêde ke saetê serê siba de xeylêk qezayanê Stenbolî de vara, bi seyan kesî bi sloganê "Bijî Serok Apo" ver bi Gemlîkî kewtî rayîr. Reyna Bursa ke merkezê sereke yê rayîr ra şîyayîşî yo, bi serkêşîya Partîya Têduştî û Demokrasî yê Şaran (HEDEP) yê Taxa Arabayatagi ya qezaya Yildirimî, bi seyan kesî raşte de kom bîyî. Derûdorê raşteyê pêvînayîşî hetê polîsan ra ameyo ablûqakerdiş, wesayîtê destbendkerdişî zî amade yê.

	 

	Stenbol ra ver bi Gemlikî

	 

	Hîn wesayîtê ke Stenbol de resenê Bûrsayî noqteyê polîsan de yenê tepiştiş, hîn wesayîtî zî resenê Gemlîkî. Wesayîtê Stenbolî ameyî Bûrsa bi "Rayîr ra şîyayîşê Azadîye" reyde ameyî têhet û ver bi Gemlîkî kewtî rayîr.

	 

	Heto bîn ra Sazgehê HEDEPî yê qezaya Înegol û Yildirimî yê Bûrsayî zî hetê polîsan ra ameyî astengkerdiş.