
Avûkate Suzan Akîpaye: Girawa Îmraliyî cayê sucî yo 

2023-10-25 10:41:53


	&nbsp;

	Şehrîban Aslan

	&nbsp;

	AMED - Avûkate Suzan Akîpaye bale ant tecrîdê serê Rayberê PKKyî Abdullah Ocalanî ser û dîyar ker ke Zîndanê Îmraliyî merheleya herêmî, neteweyî û mîyanneteweyî de cayê sucî yo.&nbsp;

	&nbsp;

	Zîndanê Asayîşo Berz ê Tîpê Fyî yê Îmraliyî ke roj bi roje tede tecrîd giran beno de Rayberê PKKyî Abdullah Ocalan, Hamîlî Yildirim, Veysî Aktaş û Omer Hayrî Konar ê ke 31 aşmî yo Îmraliyî de binê tecrîdê girankerde de yê û înan ra tu xeberêke nîna girewtiş. Sewbîna na çarçewa de heme muracatê keye û avûkatan zî yenê astengkerdiş. Îdarekara Komeleya Huqûqnasê Seba Azadîye (OHD) ra Suzan Akîpaye derheqê tecrîdî de ercnayîş kerd.&nbsp;

	&nbsp;

	&nbsp;‘Wazenê kurdê azade mahkum bikerê’&nbsp;

	&nbsp;

	Suzane dîyar kerd ke îqtîdar û hêzê dewlete temamê tarîxî de seba ke bi asanî komelan bikerê binê kontrolê xo têkilîya înan ya bi heqîqetî reyde birnayî û wina vat: “Hewl danê têkilîya mabenê kes, komel û heqîqetî bibirnê. Têkilîya mabenê kes, komel û heqîqetî de serê zemînê raşt de aver kewenê. Na têkilî hêrişêk fîzîkî ya zî îdeolojîk de hetê komelî ra pawitişê cewherî teşkîl kenê. Îqtîdar û hêzê dewlete wexto ke nê çîyî kenê şer, şîdet, zîndanan de ge-ge zî haletê îdeolojîk; cînsîyetperestî, dewletperestî, netewperestîye kenê dewre. Dezgeh û kesê ke komelî temsîl kenê yenê hedefgirewtiş. Sey Birêz Ocalanî îfadekerdiş, şexsê Ocalanî de wazenê kurdê azade mahkum bikerê.”

	&nbsp;

	&nbsp;‘Prosedurêk teberê huqûqî pê yeno’&nbsp;

	&nbsp;

	Suzane ard ziwan ke tecrîdê serê Rayberê PKKyî Abdullah Ocalanî bêhuqûqîyêk global o û wina vat: “Vera metodê ‘nêşikeno bêro teslîmkerdiş’ yê huqûqê îltîca û teslîmkerdişî, Abdullah Ocalan 15ê Sibata 1999î de teslîmê Tirkîya ame kerdiş. Girawa Îmraliyî bi qerarê Wezîrîya Edaletî nê, bi pêkerdişêk nimite ame vengkerdiş. Ma nika bi tecrîdê giran ra vînenê ke Îmralî de prosedurêk teberêhuqûqî pê yeno.”&nbsp;

	&nbsp;

	&nbsp;‘Xoverdayîşêk gird babeta vatişî yo’&nbsp;

	&nbsp;

	Suzane Îmraliyî sey ‘raşteyê mîyanneteweyî de cayê sucî’ biname kerd û vat ke vera nê çîyan de reyna zî Îmraliyî de xoverdayîşêk gird babeta vatişî yo û dewam kerd: “Vera înan şertê giranan û nêhuqûqîyan Îmrali de xoverdayîşêk gird babeta vatişî ya. Birêz Ocalan vera şertê tecrîdî xeta rayîrê hîrine aver berd û hêvîya azadîye da cinîyan û ciwanan. Îrade û israrê ci yê aştîye de berardişê fikir û zîhnî nîşanê ma dano.”

	&nbsp;

	&nbsp;‘Çimeyê probleman tecrîd o’&nbsp;

	&nbsp;

	Suzane qiseykerdişê xo yê peyênan de dîyar kerd ke wexto ke berê Îmraliyî ameyî akerdiş dîyî ke senî krîz qedîyeno û wina peynî ard: “Wexto ke berê Îmraliyî yenê girewtiş ma vînenê ke senî krîz û kaos senî vejîyeno raşte. Rejîmê Îmraliyî tena caardişêk zîndanî nîyo, heme komelî ser de tesîr virazeno. Çimeyê heme probleman tecrîdê giran ê serê Birêz Ocalanî ra virazîyeno. Reyna hêzê tewr gird ê ke tecrîdî bişikno xoverdayîşê Îmraliyî yo. Vîşêrê înan ganî wayîrê çalakî û têkoşînê heme raşteyan bêro vejîyayîş. Ganî cinî, ciwan, cinîyê kurd, şar, rojnameger, roşnvîr, hunermend, siyasetmedar, rêxistinê huqûq û heqî têkoşîn bikerê û do wina tecrîd bêro şikitiş.”

	&nbsp;