
Akademîyê Rizaşehrî konferansê kultur, huner û edebîyatî viraşt  

2023-10-23 15:04:37


	&nbsp;

	&nbsp;

	MERKEZÊ XEBERAN - Akademîyê Rizaşehrî yê bajarê Dortmûndî yê Almanyaye, 18-19ê Teşrîna Verêne ya 2023î de "Konferansê Kultur, Huner, Edebîyatî" viraşt.

	&nbsp;

	Akademîyê Rizaşehrî (RA) amanc keno ke tarîxê bawerîya elewîtî, felsefe, teolojî, mîtolojî, rîtuel û ercê ci yê komel-kulturî cigêrayîş bikero, bipawo û biresno neslê ameyoxî. Na çarçewa de 22-23yê Nîsane de “Konferansê Akademîsyenan” ameybî viraştiş.&nbsp;

	&nbsp;

	Konferansê 18-19ê Teşrîna Verêne de zî ame amanckerdiş ke na xebata akademîk bi xebatê nuştox û hunermendan ê serê kulturê Rayîrê Heqî yê kurdî reyde bîyarê têkişt.&nbsp;

	&nbsp;

	Goreyê netîcenameyê konferansî, beşdaroxê konferansî roja yewine de derheqê kultur, huner û edebîyatî de 8 sernameyanê cîyayan munaqaşa kerdî.&nbsp;

	&nbsp;

	Beşdaroxê konferans de qala çareserîya xoserîya akademîk, tarîxê elewîtî, teolojî, cografya, mîtolojî, huner û edebîyatî kerdî. Sewbîna binê sernameyê cîyayan de tay babetê esasî ameyî ercnayîş:&nbsp;

	&nbsp;

	*Sena ke bawerîya elewî hîna başa bêra naskerdiş, seba tutan û ciwanan amadekerdişê kitabêk bi anîmasyonî.&nbsp;

	&nbsp;

	&nbsp;*Ercnayîşê têgêrayîşê kultur û bawerî yê bawerîya Rayîrê/Raa Heqî û açarnayîşê kitabêk.

	&nbsp;

	&nbsp;*Paştîdayîş, averberdiş û vilakerdişê berhemê hunerî yê ziwanê kurdî de.

	&nbsp;

	&nbsp;*Komkerdişê nuşteyê ziwanê kurdî de, analîzkerdiş û weşanayîşê ci.&nbsp;

	&nbsp;

	&nbsp;*Destpêkerdişê xebatê Muzeya Etnografîyî.

	&nbsp;

	*Seba cinîyan akerdişê kursê terzî, naskerdişê berhemê înan û ekonomîye.&nbsp;

	&nbsp;

	&nbsp;*Awankerdişê komîsyonêk ke raşteyê kultur, huner û edebîyatî de bixebetîyo.&nbsp;

	&nbsp;

	Sey netîcenameyî ame vatiş ke merasîmê winasî seba pawitişê kultur û hunerî xeylê muhîm ê. Akademîyê Rizaşehrî heme dostê ke tewrê konferansî bîyî sipas kerd û dîyar kerd ke ê do hêvîya xo ya seba ameyoxî gandar biverdê.

	&nbsp;