
Îmraliyî rê cezayêke ‘dîsîplînî' ya newe 

2023-10-21 12:25:11


	&nbsp;

	&nbsp;

	STENBOL- Cezayêke bîne ya "dîsiplînî" Rayberê PKKyî Abdullah Ocalanî rê ameye birnayîş ke na ceza pêvînayîşê bi keyeyî reyde asteng kena. Waştişê avûkatan ê semedê nimûneyê dosyaye, hetê hakîmî ra bi sebebê "do çapemenîye de vila bibo" ame redkerdiş.

	&nbsp;

	Avûkatanê Buroyê Huqûqî yê Asrinî seba ke muwekîlanê xo Rayberê PKKyî Abdullah Ocalan, Hamîlî Yildirim, Veysî Aktaş û Omer Hayrî Konarî de pêvînayîş bikerê, 10ê teşrîna verêne de muracatê Hakîmîya Înfazî ya Bursa kerdbi.&nbsp;

	Avûkatan muracat de waşt ke wa muwekîlanê xo bivînê, eke cezaya dîsîplînî ya newîye est ba wa dosyaya ci bêra dayîş înan û eke “cezayêke” newîye dîyaya wa bêra betalkerdiş.&nbsp;

	&nbsp;

	Hakîmîya Înfazî 13ê teşrîna verêne de cewab da muracatî û pare kerd ke Rayberê PKKyî û tepişteyanê Îmraliyî yê bînan rê ancî 'cezaya dîsîplînî' dîyaya. La nêzanîyeno ke na ceza key, çira û senî ameya dayîş.&nbsp;

	&nbsp;

	Hakîmîya waştişê teslîmê dosyayanê ceza bi bahaneya 'çapemenîye de weşanîyenê' red kerd.

	&nbsp;