
Dewleta tirkan 10 rojan de 3 rey hêriş kerd 

2023-10-18 14:44:52


	&nbsp;

	&nbsp;

	MERKEZÊ XEBERAN - Dewleta tirkan bi serran o wargehê multecîyan ê Memxûrî kena hedef û şarî qetil kena. Tenê mîyanê 10 rojê vîyarte de, dewleta tirkan 3 rey roniştoxê wargehî kerd hedef. Hêrişan de ciwanêk ame qetilkerdene, 2 cinî û 2 tutî birîndar bîyî. Mîyanê 4 serrî de dewleta tirkan 8 roniştoxê wargehî qetil kerd.

	&nbsp;

	Hêrişê dewleta tirkan yê serê wargeha multecîyan ê Mexmûrî de dewam kenê, teyareyê bê merdim û biçek yê dewleta tirkan rojane serê asmênê wargehî de gêrenê. Heta nika dewleta tirkan bi desan rey hêrişê şarê Mexmûrî kerd.

	&nbsp;

	Teyareyê bi çek û bê merdimî yê dewleta tirkan mîyanê 10 rojan de 3 rey şarê wargehê multecîyan kerd hedef. Hêrişê mîyanê 10 rojan de welatijêk ame qetilkerdene, 2 cinî û 2 tutî zî birîndar bîyî.

	&nbsp;

	CPT: 10 sîvîlî ameyî qetilkerdene

	&nbsp;

	Goreyê eşkerayîye mabênê 1ê çeleyê 2023yî û 17ê teşrîna verêna 2023yî de hêrişanê dewleta tirkan de 10 sîvîlî ameyê qetilkerdene û 12 kesî zî birîndar bîyê.

	&nbsp;

	Goreyê eşkerayîye 6 sîvîlî bi droneyê çekdarî, 3 sîvîlî bi hêrişanê hewayî û 1 sîvîl zî bi mayînî ameyî qetilkerdene. 2 sîvîlî bi guleyan û 1 sîvîl bi mayînî birîndar bîyî.

	&nbsp;