
'Kincanê xo yê leşkerî ra hêz gênê’ 

2023-10-17 10:21:43


	&nbsp;

	&nbsp;

	AMED - Sîyasetmedaran derheqê polîtîkayê şerê taybetî yê hukmatî yê hemverê cinîyan bi taybetî bajarê Kurdistanî de aver şîyo de dîyar kerdî ke kincanê xo yê leşkerî ra hêz gênî û dîyar kerdî ke semedo ke nê sucan rê ceza nîna dayîş rayîr sucan rê ameyo akerdiş.&nbsp;

	&nbsp;

	Qezaya Rayîrê Armuşî (Îpekyolu) ya Wanî de 1ê teşrîna verêne de 6 çawişê pispor yê ke şîyî werdxaneyêk dima ke têmîyanê vejîya werdxane ra ameybî vetiş û raşte de 2 cinîyan tacîz kerdbî. Dimayê qewimîyayîşî serebûtêk winasî vejîya. La eynî qezaye de na rey zî 4 çawişê pisporî 5ê teşrîna verêne de 2 cinîyan kafeyêk de ronişte tacîz kerdî. Cinîyê siyasetmedar yê Amedî hêrişê tacîz, desdergê û qetilkerdişê cinîyan yê bajarên Kurdistanî ercnayî.&nbsp;

	&nbsp;

	

	'Huqûq ameyo merheleya çinîkerdişî’&nbsp;

	&nbsp;

	Hemşaredara Sûrî ya ke qeyûm tayînê herinda aye ameybî kerdiş Fîlîz Buluttekîne dîyar kerd ke kerdoxê tacîzî yê Wanî ke cinîyan tacîz kerdbî hêzê xo kincanê xo yê leşkerîyan ra gênê û zanê ke sîstem pey înan de yo. Fîlîze bale ant serê qanûnê ke ameyî merheleya çinîkerdişî û tesilî kerd ke sîstemê weçînitişê qanûnî û rejîmî nê caardişan çarçeweya siyaset û bahaneyê tewir tewiran de vînenê û dîyar kerd ke peynîya nê caardişan de siyasetê bêcezakerdişî esto. Fîlîze ard ziwan ke ganî kam cayê dinya de beno wa bibo tacîz, destdergê û şîdetê serê cinîyan raşte ra bêrî wedaritiş û vat: “Her çend ke ganî tacîz, tecawuz û şîdet peynî bibo zî eksê ci zêdîyenê. No zî mojneno ke polîtîkayê bêcezaverdayîşî esto. No çî xo reyde peynîya fek verdayîşê siyaset, komel û cuye ano.”&nbsp;

	&nbsp;

	Fîlîze da zanayîş ke nê hêrişî polîtîkayê şerê taybetî yê hukmatî yê Kurdistanî yê û dîyar kerd ke sey têgêrayîşê cinîyan ê do tu şeklêk hemverê nê sucan de tehemul nêkerê û vera înan sucan de têgêrayîşê têkoşînî yê hîra bikerê.

	&nbsp;

	'Bi serran şîdetê serê cinîyanê kurdan de dewam keno’&nbsp;

	&nbsp;

	Verfeka Partîya Çep a Keske ya Amedî Pinar Sakik Tekîne zî dîyar kerd ke bi serran o şîdetê serê cinîyan yê kurdan de bi taybetî Kurdistan de yeno rayîr ra berdiş. Pinare bale ant serê bêcezaverdayîşê kerdoxan ke sucan rê çarçeweya polîtîkayê şerê taybetî yê vera cinîyan de rayîr akeno û ard ziwan ke bi taybetî hedefgirewtişê cinîyanê kurdan konseptêk şerî yo. Pinare dîyar kerd ke dewlete wazena cinîyê kurdî fikr, nizdîbîyayîş û xoverdayîşî ra dûrî biverda û cewherê înan ra înan dûrî bikera û vat: “Ganî cinî nêkewî dafikê polîtîkayê şerê taybet yê dewlete, taktîkê ke şuxilnena. Konseptê şerî de yê û ganîma îqaz bibê.”

	&nbsp;