
Wendekarê Mexmûrî semedê Abdullah Ocalanî mektube nuştî 

2023-10-16 14:17:41


	&nbsp;

	&nbsp;

	MERKEZÊ XEBERAN - Wargehê multecîyan ê Memxûrî semedê Rayberê PKKyî Abdullah Ocalanî kampanyayêke mektube nuştibî dayî destpêkerdiş, wendekaran mektubê ke nuştî, kerdî sindoqan û zerrîwazîya xo bi Abdullah Ocalanî reyde mojnayî.

	&nbsp;

	Kampanyaya nuştişê mektuban ê semedê azadîya fîzîkî ya Rayber Apo ke 28ê Tebaxa emserr de Wargeha Multecîyan ê Şehîd Rustem Cûdî (Mexmûr) amebi destpêkerdiş, wendekarê wargehe zî bi nuştişê mektubanê xo beşdarbîyayîşê xo semedê na kampanyaye mojnayî. Wendekaran Peymangeha Şehîd Kerîm Kato ra mektubê xo şirawitî.

	&nbsp;

	Merasîmê şirawitişê mektuban de &nbsp;Mamosta Beşîr Gabarî qisey kerd û dîyar kerd ke no demêk derg o Abdullah Ocalan binê tecrîdêk girankerde de yeno girewtiş û vat: "Dişminê xof tecrîd mîyanê tecrîdî de serê Rayber Apoyî de keno. Semedo ke ma agahîyêke Rayber Apo ra bigîrê pêro hewldayîşê şarê kurdî virazênê, la dewleta tirke bi xof serê ma de yena û nêverdena ma agahî ci ra bigîrê. Semedê azadîya fîzîkî ya Rayber Apo no demêk derg o kampanyayêke ameya destpêkerdiş û na kampanya her het ra yena dewamkerdiş. Wargehê Mexmûrî de zî sey şar, sey raşteyê perwerdeyî ma zî bi nuştişê mektubê xo beşdarê na kampanya benê. Amancê ma yê nuştişê mektuban no yo ke ma vajê Rayber Apo ti tenê nîyê. Eke nê mektubî bibê wesîleya azadîya Rayber Apo do hewildayîş û çalakîyê ma tim dewam bikerê. Semedo ke zerrî û mezgê ma bi Rayber Apo reyde yo, Rayber Apo zindanê Îmraliyî de senî ciwîyeno? Ma silam û heskerdişê xo Rayber Apo rê şirawenê."

	&nbsp;

	Dimayê qiseykerdişê mamosta Beşîr Gabarî, wendekaran bi rêze mektubanê xo kerdî sindoqan.

	&nbsp;