‘Ma hêzê baş ê hunerî ya fêde bigîrê’ 

2023-10-13 09:30:29


	 

	 

	Nazlican Nujîn Yildiz

	 

	ÎZMÎR - Resame Gulîzar Kiliçe Îzmîr de pêşangehê resiman ê bi nameyê ‘dejêk ra heta hezar dejî’ ke babeta koçberan girewtêne dest akerde û vat ke hunermend bi hîsgêrî têgêrenê, nêeşkenê nê çîyî derbazê hunerî bikerê û venga zêdekerdişê hîsgerîya vera hunerî kerd.

	 

	Hetê Komeleya Pirdê Şaran ra 3ine Festîvala Fîlman a Koçberan a Mîyanneteweyî Îzmîr de ameye akerdiş. Çarçeweya Hunerê Îzmîrî de pêşangehê resiman pê ameyî. Zafaneyê pêşangehî derheqê babeta koçberan de bî. Resame Gulîzar Kiliçe zî pêşangehê xo yê bi nameyê ‘dejêk ra heta hezar dejî’ tîya de akerd û hîkayeya koçberîye ya keyeyan ard ziwan. 

	 

	

	Gulîzare da zanayîş ke pêroyê tarîxî de camêrd her tim vejîyayo aver û prosesê ewilîne de yeno vatiş ke resimê ke ameyî xêzkerdiş hetê camêrdan ra ameyî pêşkêşkerdiş la belgeyanê ewro ra yeno fehmkerdiş ke hetê cinîyan ra ameyî xêzkerdiş. Gulîzare wina vat: “Keda cinîyan her tim yena çinîkerdiş. Şer, krîz û bobelatî serre de ginenê cinîyan ro. Ez zî cinîyêk a, dadîyêk a. Sey nimune na aşme de 38 cinî ameyî qetilkerdiş. Qey ameyî qetilkerdiş? No sey cinîyêke canê mi dejneno. Ez zî dej ancena wexto ke înan ana rojeve. Ez senî nê çîyî bimojna, senî do rengin biba. Yanî hema wina nêvejîyeno raşte. Ez hema wina nêroşena û nêvirazena.” 

	 

	Hunerê mabenê fikr û hîsgerîye Gulîzare da zanayîş ke tay hunermendî vera hedîseyê komelkî de hîsgerê la no mird nêkeno û wina dewam kerd: “Yewine wayîrê kelepulê berardişî hunermend ê. Şima mecburê çîyê ke ameyî berardiş bidî bazarkerdiş. Mecburî şarî rê akerê. Do bi çi wayîr biba? No şik esto. Kesê ke fikarê înan zêde yo, tena bi xêzkerdişî derbaz kenê, ganî bi kontrol têbigêrê. Tebîî hetêk ra erdlerzêk ame ciwîyayîş û ganî no bobelat de dej nêro antiş. La merdim eşkeno hunermend bibo. Nêbeno la fikarê bînî estê, fikarê ekonomîye.”

	 

	‘Ganî ma bêrê têkişt’ 

	 

	Gulîzare qiseykerdişê xo yê peyênan de wina vat: “Xêzkarî sînoran nas nêkeno. Xeylê dezgeh estê. Huner wayîrê hêzê başkerde yê wayîrê hêzê rexneyî yo û şahidîye yo. Yanî şima eşkenê bimojnê la wexto ke şima yenê rî bi rî mat manenê. Embazê ma yê ke nê karî kenê. Ez hunermendan rê vana ke hîsgerîye zêde bikerê. Ma hêzê başkerde yê hunerî ra fêde bigîrê. Ma hetê teşhîr û rîbirîmendişî bimojnê. Ma bêrê têkîşt.”