Dadîya Shani Louka ke Hamasî aye remna venga hetkarî kerd 

2023-10-11 15:55:27


	 

	 

	MERKEZÊ XEBERAN - Dadîya Shani Louk, Ricarda da zanayîş ke kênaya aye ya ke hetê Hamasî ra bedenê aye viran pey wesayîtêk de ame teşhîrkerdiş, bêtevger ameye vînayîş û sax a venga hetkarî kerd.

	 

	Ame zanayîş ke Shani Louka 30 serrî ke hêrişê hemberê festîvala aştîye ya nêzdîyê sînorê Xezayî de hetê endamê Hamasî ra esîr amebî girewtiş û bedenê aye ya viran pey kamyonêke de amebi teşhîrkerdiş û bêtevger amebî vînayîş, sax a.

	 

	Dadîya Shani Louka welatija Elmanyayî Rîcarda, dîyar kerd ke a bawer kena ke kênaya aye sax a. Ricarda dîyar kerd ke destê aye de delîlî estê ke kênaya aye sax a û dîyar kerd Shani Louk seba birînêk giran sereyê xo nêweşxaneyêk Xezayî de yena dermankerdiş. Ricarda dîyar kerd ke aye nê agahî çimeyê Filistînî yê nênas ra girewta û dîyar kerd ke Shani Louk bi giranî birîndar bîya û hukmatê Almanya ra hetkarî û tedbîrê lezgînî waşt.

	 

	Dimayê pêrodayîşê ke 7ê teşrîna verêne roja şemeyî dest pêkerdî, fotografê Shani Louk rayaumûmî rê ameyî eşkerakerdiş û ame dîyarkerdiş ke keyeyê Shani Louke aye porê aye ya bi rasta û deqê aye nas kerdê. Dadîya Shani Louka ke yeno vatiş hemwelatija di hetî yê Elman-Îsraîl a, na eşkerayî dabî:

	 

	“Ewro serê sibayî kênaya mi Shani Nicole Louk ke hemwelatija Elman a, hetê Hamasî yê Filistînî ra başûrê Îsraîlî ra ameye remnayîş. Dîmenêk kênaya min a wesayîtêk de bi fîlîstînijan reyde ke bi eşkere aseno bêhiş a û derûdorê Şerîdê Xezayî gêno, ame mojnayîş. Ma wazenê ke şima her tewir hetkarî û agahî bidê ma.”