‘Hedefgirewtişê sivîlan ê Rojawanî sûcê şerî yê’ 

2023-10-09 16:17:19


	 

	 

	STENBOL - Rêxistinê huqûqî dîyar kerdî ke hedefgirewtişê sivîlan û raşteyê cuye yê hêrişê serê Vakur û Rojhelatê Sûrîye de “sûcê şer o” û venga dewleta tirkan kerdî ke goreyê mesajê mîyanneteweyî tê bigîrê û peynî hêrişan bîyarê.

	 

	Şubeyê Komeleya Huqûqnasê Seba Azadîye (OHD) yê Stenbolî, Şubeyê Komeleyê Hiqûqnasê Hemdem (ÇHD) yê Stenbolî, Paştdayîşê Avûkatan, Huqûqnasê Seba Demokrasî, Weqfê Cigêrayîşê Huqûq û Komelê (TOHAV) û Avûkatê Demokratî yê Azadîwaştoxan, derheqê hêrişê dewleta tirkan 4ê teşrîna verêne de hemverê Vakur û Rojhelatê Sûrîye dayê destpêkerdiş eşkerayîyêke nuşteyî weşênayî. 

	 

	Eşkerayîye de ame dîyarkerdiş ke hêrişê hemverê sivîlan, awanî û mal û milk “sûcî şerî yo”. Eşkerayîye de ame dîyarkerdiş ke hêrişê hemverê raşteyê sivîlî rewşêke bi endîşe yê û ame dîyarkerdiş ke sere de cinî û tutî binpaykerdişê heqê bingehîn yê şarî nîno qebûlkerdiş. Dewamê eşkerayîye de ame vatiş: “Ma seke sazgehê huqûqî venga Tirkîya kenê ke goreyê mesajê mîyannetewî ke terefgirê înan ê tê bigêrê, peynî hêrişan bîyarê û problemê kurdî yê bîyo problemêk mîyannetewî bi mûxatabê înan reyde çarçewaya aştî de çareser bikerê.”