
Tepişteyan venga wayîrvejîyayîşê Rojawanî kerd 

2023-10-09 15:50:03


	&nbsp;

	&nbsp;

	ANQARA - Cinîyê tepişteyî yê Zîndanê Tepişteyê Cinîyan ê Sîncanî derheqê hêrişê serê Rojawanî dayî zanayîş no qirkerdişî yo û veng dayî sazgehê komelê sivîlî, hêzê demokratîke kerdî. Cinîyê tepişteyî venga wayîrvejîyayîşê Rojawanî kerdî.

	&nbsp;

	Cinîyê tepişteyî yê Zîndanê Cinîyan ê Sîncanî derheqê hêrişê serê Rojawanî de mesaj pare kerdî. Cinîyan hêrişî şermezar kerdî û venga wayîrvejîyayîşê Rojawanî kerdî.&nbsp;

	&nbsp;

	Mesajê sîyasetmedaranê tepişteyan wina yo:&nbsp;

	&nbsp;

	"Bi şorişê Rojawanî û Şengalî hêvîyêke pîl seba dinya û cinîyanê dinya ame awankerdiş. Şengal û Rojawanî hemverê DAÎŞî têkoşînêk ame kerdiş û zihnîyetê DAÎŞî têk berd. Labelê ewro hetê eynî zihnîyetî ra hêrişê Rojawanî yeno kerdiş. Dewleta tirkan û hêzê ci yê faşîzan dimayê çalakîya Anqarayî bi sebebê "asayîşî" hêrişê Rojawanî, Şengalî keno û tîya awe, nêweşxane, înşaat û sewbîna bombevaran keno. Hêriş serê raşteyê cuye yo sey rafîneyê petrolî, santralê ceyranî, wargehan yeno kerdiş, yenê bombevarankerdiş. No zî vernîya çimanê dinya bi vatişê "pêro hedefî seba ma meşrû ya” yeno kerdiş. Xeylêk sivîlan bi nê hêrişanê cuya xo dest dayî û xeylêk raşteyê cuye ameyî îmhakerdiş. No konseptê îşxalkerdişî hemverê destkewtişê şarê kurdî û şarê herême yê. Hedefgirewtişê cayê sivîlan hewldayîşê qirkerdişî yê eşkera yo. Dewleta tirkan reyna nîşan dayo ke hedefê înan ê îmhakerdişê kurdan o.

	&nbsp;

	Ma sey cinîyê tepişteyî yê sîyasî yê Sîncanî wazenê nê hêrişî ganî bêrê vindarnayîş. Coka ma venga sazgehê komelê sivîlî, hêzê demokratîke kenê û vanê seba şima nêbê hemkarê nê sûcî bikewê mîyanê tevgerî.

	&nbsp;