
Nagîhan Akarsele Mêrdîn de ameye yadkerdiş 

2023-10-04 15:05:30


	&nbsp;

	&nbsp;

	MÊRDÎN - Endama Jineolojîye, edîtora Kovara Jineolojîye û rojnamegere Nagîhan Akarsele yewine serrgêra qetilkerdişê xo de bi deyîran ameye yadkerdiş.&nbsp;

	&nbsp;

	4ê teşrîna verêne 2022ine de Endama Jineolojîye, edîtora Kovara Jineolojîye û rojnamegere Nagîhan Akarsele bajarê Silêmanî yê Başûrê Kurdistanî de ameye qetilkerdiş. Seba Nagîhane eywana konferansê Rêxistina HDPyî ya Mêrdînî de bernameyê yadkerdişî ame organîzekerdiş. Bi rayberîya Tevgerê Cinîyanê Azadan (TJA), bi tewrbîyayîşê Dadîyê Aştîye û xeylêk cinîyan, bername ame organîzekerdiş.&nbsp;

	&nbsp;

	Eywane de fotografê Nagîhane ameyî daliqnayîş û seba Nagîhanê findî ameyî tafênayîş. Seba yadkerdişê Nagîhane deqeyêk rêze ame girewtiş. Çalakîye bi mojnayîşê sînevizyonî dewam kerd. Sînevizyon de babeta têkoşînê cuye ya Nagîhane ame mojnayîş û cinîyan her tim sloganê "Jin jiyan azadî" berz kerdî.&nbsp;

	&nbsp;

	Dimayê sînevizyonî Dadîyê Aştîye deyîranê kurdkî vatî. Cinîyê ke çalakîye de hîsgêr bî, sloganê "Jin jiyan azadî", "Şehîdî nêmirenê" berz kerdî.

	&nbsp;