Roniştişê dewaya Burak Ercanî reyke bîn ameye taloqkerdiş 

2023-10-03 14:49:06


	 

	 

	ŞIRNEX - Roniştişê dewaya şikdar Burak Ercano ke 42 tutê wendekarî bi mesajê telefonî tacîz kerdibi, ame vînayîş û dewa taloqê 2yê teşrîna peyêne ame kerdiş.

	 

	Burak Ercano ke lîseyêke qezaya Cizîrê Şirnexî de wezîfedar bi û eynî wextî de temsîlkarê mektebî û Egitîm Bîr - Seno ke Girêdayeyê Memûr-Senî yo, bi mesajê telefonî nêzdîyê 42 wendekaranê tutan taciz  kerdibi. Derheqê Burak Ercanî de 2 dewa amebî akerdiş. Roniştişê 7ine dewaya ewro 2yîn Dadgeha Cezaya Giran ya Cizîre de ame vînayîş. Komîsyonê Heqê Cinî û Tutan yê Baroyê Şirnexî û îdarekarê Egîtîm-Senî û avûkatî tewrê roniştişî bîyî. 

	 

	Dimayê tespîtê nasnameyê roniştişî dest pêkerd. Ramazan Yildizo ke sey şahîd ganî biameyîne goşdarîkerdiş, reyke bîn tewrê roniştişî nêbi. 

	 

	Heyetê Dadgehe seba temamkerdişê kêmîyê dosyaye û goşdarîkerdişê şahîdî mabêne da dewa û dima ra dewa taloqê 2yê teşrîna peyêne ame kerdiş.