Manşetê nê hewteyî yê Kovara Jine Nagîhan a  

2023-10-01 13:18:23


	 

	 

	STENBOL - Kovara Jine yewine serrgêra qetilkerdişê endama Merkezê Cigêrayîşê Jineolojî, rojnamegere û nuştoxe Nagihan Akarsel de nuşteyê aye kerd manşetê xo.

	 

	Hûmara 31ine ê Kovara Jine ke her hewte vejîyena, no hewte vernîya wendekeran de ya. Seba yadkerdişê endama Merkezê Cigêrayîşê Jineolojî, rojnamegere û nuştoxe Nagihan Akarsel ke Silêmanîye yê Başûrê Kurdistanî de 4ê teşrîna verêne 2022ine de ameye qetilkerdiş, kovare hûmara xo ya nê hewteyî de nuşteyê xo yê bi sernameyê "Helwestê fedayî yê bîyayîş o: Xoverdayîş" kerd manşet. 

	 

	Roportajê Kurdistanî ra seba cinîyê dinya

	 

	Hûmara nê hewteyî de, roportajê Matt Broomfîeld ke ronayoxa Arşîvê Cinîyan rê Raz Xaîdan rê kerd, hîkayeyê arşîvkerdişî ke bi paştdayîşê cinîyanê kurdan û cinîyê xeylêk cayê dinya ameyê arêdayîş ke  îlanê merdişî û roportajê bi cinîyanê Kurdistanî reyde ameyo kerdiş pê yeno bi manşetê, "Reyke bîn cuye  teberê keyeyî" ca gêno.

	 

	Açarnayîşê serê cinîyanê kurdan

	 

	Nuşteyê Sarwa Azeez ke ercnayîşê berardişê Çiro Zend a bi nameyê “Yadkerdişî kênaya lehengêke kurde” nuşta, hetê koms Kovara Jine ra seba wendoxan ameya açarnayîş û na hûmare de ca girewta. Heto bîn ra nuşteyê Hulusî Osmanağaoglû yê bi sernemeyê “Reyke bîn cuye teberê keyeyî” na hûmara kovare de vejêna vernîya wendekaran

	 

	Pêro sernameyê na hûmare wina yê:

	 

	*Helwestê fedayî yê bîyayîşî: Xoverdayîş / Nagihan Akarsel

	 

	*Yadkerdiş xoverdayîş o: Jiyan Archives and Raz Xaidan / Matt Broomfield – Açarnayîş

	 

	*Çiro Zend “Vîrardişê kênaya lehengêke kurde” / Serwa Azeez – Açarnayîş

	 

	*Reyke bîn cuye teberê keyeyî / Hülya Osmanağaoğlu

	 

	Şima eşkenê pêro nuşteyan tîya ra taqîb bikerê.