Wîkîferheng de kurdkî bî ziwanê 8ine

2023-09-30 12:47:29


	 

	 

	 

	MERKEZÊ XEBERAN - Kurdkî Wîkîferhengê de ziwanê fariskî, tirkî û erebkî derbaz kerd û bî 8 ziwanê tewr dewlemend ê dinyaye.

	 

	Goreyê dayeyê Wîkîferhengê (Wiktionary) yê beşê ferhengî yê Wikipedia Îngilîzkî, ziwanê kurdkî bi 918 hezar û 123 çekûyan mîyanê 168 ziwanan de rêza 8ine ê dinya de ca gêno.

	 

	Kesê ke bi kurdkî qisey kenê, eşkenê çekûyan malpera ke xizmetê belaş dana, zêde bikerê. Labelê çekûyê ke malper de yenê zêdekerdiş dimayê ke hetê 7 çimdaran ra yenê cigêrayîş, serê rîpelê fermî yê malperî de yenê parekerdiş.

	 

	Rêza 8ine de ca gêna

	 

	Dimayê ziwanê îngilîzkî, franskî, malagaskî, çînî, rûskî, yûnanî û almanî, ziwanê kurdkî rêza 8ine de ca gêna û her roje çekûyê neweyî ci rê yenê zêdekerdiş. Wîkîferhengî de 67 hezar û 624 çekûyê erebkî, 104 hezar û 581 çekûyê fariskî û 359 hezar û 195 çekûyê tirkî estê.

	 

	Hîrê lehçeyî ca nêgînê

	 

	Bi zêdekerdişê tenê çekûyê lehçeyê kurmanckî û sorankî yê kurdkî rêza 8ine de ca gênê. Labelê çekûyê lehçeyê gorankî, kirmanckî (zazakî) û lorî yê kurdkî ca nêgînê. 

	 

	Goreyê rîpelê Wikipedia îngilîzkî, kurdkî pêwa pêro lehçeyanê xo bi milyonêk û 2 hezar çekû û meqlatikî dimayê ziwanê fînî û koreyî rêza hîrêne ê dinya de yê.