Cinîyê PYDyî: Ma do na serre bikerê serra serkewtişî 

2023-09-23 13:17:44


	 

	 

	 

	Mîdye Miqted

	 

	ŞEHBA - Cinîyê ke derheqê 20ine serrgêra awankerdişê PYDyî dayî zanayîş ke ê do fek kar û xebatê xo yê binê banê partîya xo de vera nêdê û vatî: "Heta ke ma demokrasî û yewîya dinya bidê vilakerdiş ma do kar û xebatê xo bikerê û vila bikerê. Seba ma azadîya Rayberê xo mîsoger bikerê ma do xebetanê xo bikerê. Ma na serre bikerê serra têkoşîn û serkewtişî. "

	 

	Partîya Yewîya Demokratîke (PYD) 20ê Êlule 2003ine Vakur û Rojhelatê Sûrîye ameyo awankerdiş. Cinîyan PYDyî de rolêk muhîm girewtî serê xo û serê esasê azadîya cinîyan, têduştî, neteweyê demokratîke de xebatê xo rayîra benê. Bi munasebatê serrgêra awankerdişê PYDyî de xeylêk cayan de çalakî ameyî organîzekerdiş. Şehba de zî bi sloganê "20 serrî yo têkoşînê ma seba caardişê projeyê netewa demokratîke û bideskerdişê azadîya cinîyan û Sûrîye Demokratîke dewam o" şahî Wargeha Serdemî ya Şehbayî de ame organîzekerdiş. Cinîyê ke tewrê şahî bî fikr û fehmê xo yê derheqê serrgêra awankerdişê PYDyî de ardî ziwan. 

	 

	'Bi xêrê netewa demokratîke partîya ma awan bîye’

	 

	Îdarekara PYDyî ya bajarokê Til Rifatî Sîlvana Hesen bale ant serê serrgêra awankerdişê PYDyî û wina vat: “Ma serrgêra PYDyî Rayber Abdullah Ocalanî, şarê xo yê welatperwer û şerwanê azadîya Kurdistanî pîroz kenê. Bi xêrê netewa demokratîke partîya ma ameye awankerdiş. Ma serê esasê nê projeyî de venga dinya danê.”

	 

	‘Do projeyê neteweyê demokratîke ma zilmî ra bixelisno’ 

	 

	Sîlvane bale ant serê projeyê neteweyê demokratîke û wina vat: “Projeyê neteweyê demokratîke ke bi wesîleya fikrê Rayberê Şarê Kurdî Abdullah Ocalanî vejîya raşte muhîm o. eynî wext de no proje do bieşko welat û şarê ma binê zilm û zordarîye ra xelas bikero.” 

	 

	 'Heta azadîya Raybertî do têkoşînê ma dewam bikero' 

	 

	Sîlvane da zanayîş ke ganî tecrîdê giran ê serê Rayberê PKKyî Abdullah Ocalanî bêro wedaritiş û wina vat: “20 serrî awanbîyayîşê partîya ma ra derbaz beno. Ma zî bi umudî ke serra ke bêra ma agêrê welatê xo û azadîya Rayberîyê xo pê bîyarê. Heta azadîya Rayberî do têkoşînê ma dewam bikero. Ma hêvî kenê ke ma do projeyê neteweyê demokratîke heme dinya de vila bikerê. Temsîlkarîya têduştî û azadîye keno.”

	 

	'Bi xebatê xo ma do na sesrre bikerî serra serkewtişî'  

	 

	Îdarekara Partîya Yewîya Demokratîke (PYD) ya Kampa Serdemî Fatme Osmane da zanayîş ke ê do bi xebatê xo serra emserrî bikerê serra serkewtişî û wina vat: “Ma awanbîyayîşê Partîya Yewîya Demokratîke Rayber Abdullah Ocalan û şarê kurdî rê pîroz kenê. Ma sey xebatkarê PYDyî bi hêvîyî ke ma her tim xebatê xo vila bikerê. Heta ke demokrasî û yewîtîye dinya de vila bikerê ma do kar û xebatê xo bikerê û vila bikerê. Seba ke ma azadîya Rayberê xo pê bîyarê ma do xebatê xo bikerê. Ma do na serre bikerî serra têkoşîn û serkewtişî.”