Rojnuşteyê Gurbetellî Ersoz bi franskî ame weşanayîş 

2023-09-20 14:42:40


	 

	 

	 

	MERKEZÊ XEBERAN - Rojnuşteyê Gurbetellî Ersoz ke rojnamegere û yew serkêşa tevgerê cinîyanê kurdan bî, bi nameyê "Mi zerrîya xo koyan rê neqiş kerd" Swîsre de bi franskî ame weşanayîş.

	 

	Rojnamegere Gurbetellî Ersoz Kurdistan û Tirkîya de yewin rejîsora pêroyî ya weşanî bî. Peyê xo de mîrasêk muhîm seba rojnamegerîya azade verda. Taqîbkerdoxa heqîqetî Gurbetellî Ersoze, 7ê teşrîna verêne 1997ine de bi komêke hevalanê xo reyde başûrê Kurdistanî de şer de dinyaya xo bedelnaye. Gurbetellî, bîye serkêşa têkoşînê azadîya cinîye.

	 

	Rojnuşteyê "Mi zerrîya xo koyan de neqiş kerd" ke Gurbetellî Ersoze mabêne serranê 1995-1997ine de nuşt, Swîsre de bi ziwanê franskî ame weşanayîş. Kitab, weşanê “Les Éditions d’En Bas” ame çapkerdiş û xeylêk kitabxaneyan de yeno rotiş. Çalakîya nasnayîşê kitabî do 29ê êlule bajarê Lozanî yê Swîsre de Le Pavîllon de saete 18:00 de bêro kerdiş.