
Hesekê de seba Jîna Emînî çalakî ameye viraştiş  

2023-09-16 13:15:25


	&nbsp;

	&nbsp;

	MERKEZÊ XEBERAN - Bi wesîleya serrgêra yewine ya Şorişê Jin, Jiyan , Azadî Yewîya Cinîyê Ciwane yê bajarê Hesekê fotografê Jîna Emînî serê dêsê parka 4ê Nîsane xêz kerd. Serê serewedarnayîşê Rojhelatê Kurdistanî ra yew serrî derbaz bî.&nbsp;

	&nbsp;

	Sloganê Jin, Jiyan, Azadî yê Jîna Emînîye erd lerzna û bî felsefeyê pêroyê cinîyan. Goreyê xebera NÛJINHAye ewro bi wesîleya serrgêra serewedarnayîşî Yewîya Cinîyê Ciwane ya Bajarê Hesekê fotografê Jîna Emînî û sloganê ‘Jin, Jiyan, Azadî serê dêsê parka 4ê Nîsane de xêz kerdî. Rayîrberîya Yewîya Cinîyê Ciwane ya Bajarê Hesekê – Bakur Rojhilatê Sûrîyeye Mîdiya Ebid El- Rehmane ajansê ma rê ercnayîş kerd. Mîdiya Ebid El- Rehmane da zanayîş ke serewedarnayîşê Rojhelatê Kurdistanî pîroz o û seba azadîya pêroyê cinîyan gamêk serkewte yo û wina qiseykerdişê xo dewam kerd: “Ma serewedarnayîşo ke vera zîhnîyetê şîdetê serê cinîyan de virazîya, pîroz kenî û paştî danî. Bi wesîleya serrgêra serewedarnayîşî ma dest bi çalakîye kerd, ma fotografê Jîna Emînîye û sloganê Jin, Jiyan, Azadî dêsan ser de xêz kerd. Ma wazenê vajî ke no slogan sey felsefeyêk seba her cinîye yo.”

	&nbsp;

	&nbsp;‘Jin, Jiyan Azadî’&nbsp;

	&nbsp;

	&nbsp;Mîdiya Ebid El- Rehmane qiseykerdişê xo yê peyênan de wina vat: “Ma çalakîya xo bi xêzkerdişê slogan û fotografê Jînaye pê ard. Çike wayîrê felsefeya Jin, Jiyan, Azadî Rayber Ocalan o. roja ma ya ewro de ma cinîyî resayî merheleyêk baş û serkewtiş bi ked û fikrê Rayber Ocalanî yo. Coka ra ma waşt ke ma vajî serewedarnayîşo ke Rojhelatê Kurdistanî de virazîya berhemê fikir û felsefeya Rayber Apoyî ra yew o. Felsefeya Ocalanî resa merheleyêk berz ke ewro pêroyê dinya de vila bîya. Ma zî sey cinîyê ciwan bi na wesîleye vanê Jin, Jiyan Azadî.”&nbsp;

	&nbsp;

	Çalakîya hîrê rojan bi eşkerayîya seba paştîdayîşê serewedarnayîşê Rojhelatê Kurdistanî peynî bî.

	&nbsp;