‘Bêcezaverdayîş peynî bibo do mergî zî peynî bibê’ 

2023-09-15 09:27:45


	 

	 

	AMED - Sereka Merkezê Heqê Tutan a Baroyê Mêrdînî Berîcan Çelîke derheqê tutê ke Kurdistan de netîceyê pirodayîşê wesayîtê zirxî de yenê qetilkerdiş de qisey kerd û da zanayîş ke eke bêcezaverdayîş raşte ra bêro wedaritiş do mergî zî peynî bibî.

	 

	Goreyê Komeleya Heqanê Merdiman (ÎHD) a Amedî 15 serrê peyênan de 21 tutî bi temamî 44 kesî netîceyê pirodayîşê wesayîtê zirxî de dinyaya xo bedilnayî. Tewr peynî bajarê Şirnexî de tutêk netîceyê pirodayîşê wesayîtê zirxî bi giranê birîndar bîbî û dima ra dinyaya xo bedilnabî. Sereka Merkezê Heqê Tutan a Baroyê Mêrdînî Berîcan Çelîke na babete ercnaye.

	 

	Berîvane qiseykerdişê xo de da zanayîş ke Kurdistan de netîceyê pirodayîşê wesayîtê zirxî de xeylê tutî birîndar bîyî û dinyaya xo bedilnayî. Berîvane nê caardişan sey polîtîkayê dewlete ercnaye û wina dewam kerd: “Binê nameyê asayîşî de asayîşan zêde kenî û coka ra xeylê kesî bi canê xo bedêl danê. 5 serrê peyênan de no çî zêde bîyo. Serra 2015î ra heta nika bajarê herême de OHALî vera binê nameyê asayîşî de nê caardişî zêde bîyî” 

	 

	

	‘Raşteyê cuya tutan sînor kenê’ 

	 

	Berîvane ard ziwan ke Kurdistan de raşteyê komelkî û kayî yê tutan raşte yî û wina domna: “Bajarvanîye vera raşte tengî û goreyê trafîkî nîyî. Ganî raşteyê cuye û komelkî taxe bo. Seba ke park û raşteyê kayî yê tutan çin o, tutî mecbur manenê raşateyan de kay bikerê. Raşteyê kayî yê tutan bi sînor o. Coka ra zî cuya înan binê tehluke de ya. Gêrayîşê wesayîtê zirxî yê raşteyan zî cuya tutan keno tehluke.” 

	 

	Polîtîkaya bê cezaverdayîşî 

	 

	Berîvane qiseykerdişê xo yê peyênan de wina vat: “Sucê hemverê kurdan de eke selahîyetdarê cemawerîye bibî polîtîkaya bêcezaverdayîşî pê yena. Bi na polîtîkaye xelat danî înan. Hedîseyê ke bi wesayîtê zirxî pê yenê de kerdoxî rê raybaz nînê caardiş. Hedîseyê bêcezaverdayîşî nê caardişan zêdîneno. Nê çîyê ke yenê ciwîyayîş vera heqê cuye de yo. Ganî verê çiman de bêro girewtiş û girewtiş û gamê cîdî bêrî eştiş. Heta ke bêcezaverdayîşî peynî nêbo do mergî zî dewam bikerê.”